എല്ലാ കശ്മീരി മുസ്ലിങ്ങളും തീവ്രവാദികളോ അവരുമായി ബന്ധമുള്ളവരോ അല്ലെന്ന് ഉമർ അബ്ദുള്ള.

ദില്ലി: ദില്ലി സ്ഫോടനത്തിൻ്റെ പശ്ചാത്തലത്തിൽ കശ്മീരി മുസ്ലീങ്ങൾക്കെതിരെ സമൂഹമാധ്യമങ്ങളിൽ നടക്കുന്ന വിദ്വേഷ പ്രചാരണങ്ങൾക്കെതിരെ രൂക്ഷമായി പ്രതികരിച്ച് ജമ്മു കശ്മീർ മുൻ മുഖ്യമന്ത്രി ഉമർ അബ്ദുള്ള. കശ്മീരി മുസ്ലീങ്ങളെല്ലാം ഭീകരവാദികളല്ലെന്നും ഇവിടെയുള്ളവരെ ഭീകരവാദികളുമായി ബന്ധപ്പെടുത്തുന്നത് ശരിയല്ലെന്നും അദ്ദേഹം പറഞ്ഞു.

ജമ്മുവിൽ മാധ്യമങ്ങളോട് സംസാരിക്കവെ അദ്ദേഹം സ്ഫോടനത്തെ ശക്തമായി അപലപിച്ചു. നിരപരാധികളെ ക്രൂരമായി കൊലപ്പെടുത്തുന്നതിനെ ഒരു മതവും പ്രോത്സാഹിപ്പിക്കുന്നില്ലെന്നും ഉമർ അബ്ദുള്ള കൂട്ടിച്ചേർത്തു.

ജമ്മു കശ്മീരിലെ എല്ലാ പൗരന്മാരും ഭീകരവാദികളോ അതിനെ പിന്തുണയ്ക്കുന്നവരോ അല്ല. സംസ്ഥാനത്തെ സമാധാനവും സാഹോദര്യവും തകർക്കാൻ ശ്രമിക്കുന്നത് വളരെ കുറച്ച് പേർ മാത്രമാണ്.

കശ്മീരികളെ ഒന്നടങ്കം സംശയത്തിൻ്റെ നിഴലിൽ നിർത്തുന്നത് അവരെ മുഖ്യധാരയിൽ നിന്നും അകറ്റാനേ ഉപകരിക്കൂ. സ്ഫോടനത്തിന് പിന്നിലെ യഥാർത്ഥ കുറ്റവാളികൾക്ക് കടുത്ത ശിക്ഷ ഉറപ്പാക്കണമെന്നും നിരപരാധികളെ ബുദ്ധിമുട്ടിക്കരുതെന്നും മുൻ മുഖ്യമന്ത്രി ആവശ്യപ്പെട്ടു.  ചെങ്കോട്ട

സ്ഫോടനക്കേസ് അന്വേഷണം  ദില്ലി ചെങ്കോട്ടയ്ക്ക് സമീപമുണ്ടായ സ്ഫോടനത്തിൽ 13 പേർ കൊല്ലപ്പെടുകയും 20-ൽ അധികം പേർക്ക് പരിക്കേൽക്കുകയും ചെയ്തിരുന്നു. സ്ഫോടനവുമായി ബന്ധപ്പെട്ട് കശ്മീർ സ്വദേശികളായ ഏതാനും ഡോക്ടർമാരെ അറസ്റ്റ് ചെയ്ത പശ്ചാത്തലത്തിലാണ് ഉമർ അബ്ദുള്ളയുടെ പ്രതികരണം.

സ്ഫോടനത്തിന് ഉപയോഗിച്ച i20 കാർ ഓടിച്ചിരുന്ന ഡോ. ഉമർ മുഹമ്മദ്, ഡോ.

മുസമ്മിൽ എന്നിവർ പുൽവാമ സ്വദേശികളും ഡോ. ആദിൽ റാത്തർ അനന്ത്നാഗ് സ്വദേശിയുമാണ്.

ഇവർക്ക് പാകിസ്ഥാൻ കേന്ദ്രീകരിച്ച് പ്രവർത്തിക്കുന്ന ഭീകരസംഘടനയായ ജെയ്‌ഷെ-ഇ-മുഹമ്മദുമായി ബന്ധമുണ്ടെന്ന് അന്വേഷണത്തിൽ വ്യക്തമായിട്ടുണ്ട്.        FacebookTwitterWhatsAppTelegram