പി. വി. ഉഷാകുമാരി: പ്രവർത്തന മികവിന്റെയും നേതൃത്വ ശക്തിയുടെയും പ്രതീകം മൈസൂരു വിമാനത്താവളത്തിന്റെ ആദ്യ വനിതാ ഡയറക്ടർ

കോഴിക്കോട്∙ കരിപ്പൂർ അന്താരാഷ്ട്ര വിമാനത്താവളത്തിലെ ഡെപ്യൂട്ടി ജനറൽ മാനേജറും എയർസൈഡ് ഓപ്പറേഷൻസ് വിഭാഗം മേധാവിയുമായ പി.വി. ഉഷാകുമാരി മൈസൂരു വിമാനത്താവളത്തിലെ ഡയറക്ടറായി ഈ മാസം 31 ന് ചുമതലയേൽക്കുകയാണ്.

മൈസൂരു വിമാനത്താവളത്തിന്റെ ആദ്യ വനിതാ ഡയറക്ടർ എന്ന നിലയിൽ അവരുടെ നിയമനം സ്ത്രീശാക്തീകരണത്തിന്റെ വലിയ നേട്ടവും ഇന്ത്യൻ എവിയേഷൻ രംഗത്ത് ഗൗരവകരമായ നിമിഷവുമാണ്.തിരുവനന്തപുരത്തെ ആനയറ സ്വദേശിനിയായ ഉഷാകുമാരി, തിരുവനന്തപുരം അന്താരാഷ്ട്ര വിമാനത്താവളത്തിൽ സുരക്ഷാ സൂപ്പർവൈസറായി ഓപ്പറേഷൻസ് വിഭാഗത്തിൽ നിയമിതയായപ്പോൾ, സ്ത്രീകൾക്ക് അപൂർവമായ ഈ മേഖലയെ ആത്മവിശ്വാസത്താൽ കീഴടക്കി അവർ നേതൃപ്രതിഭയായി ഉയരുകയും പുരുഷാധിപത്യ മേഖലയിൽ സ്ത്രീകൾക്കും മികവു തെളിയിക്കാൻ കഴിയും എന്ന് തന്റെ സേവനത്തിലൂടെ തെളിയിക്കുകയും ചെയ്തു.
ചെന്നൈ വിമാനത്താവളത്തിലെ സേവനകാലത്ത്, AOCC (Airport Operations Control Centre) സ്ഥാപിക്കുന്നതിൽ മുഖ്യ പങ്ക് വഹിച്ചു. 2015-ലെ ചെന്നൈ പ്രളയസമയത്ത് വിമാന ഓപ്പറേഷനുകൾ സുതാര്യമായി മുന്നോട്ട് നയിക്കുന്നതിൽ അവർ കാഴ്ചവെച്ച നേതൃത്വം വലിയ അംഗീകാരം നേടി.

2018-ലെ കേരള പ്രളയകാലത്ത് തിരുവനന്തപുരം വിമാനത്താവളത്തിൽ നിന്ന്  യാത്രക്കാരുടെ സുഗമമായ യാത്രക്കുവേണ്ടി പ്രവർത്തിച്ചത്, അവരുടെ സംഘാടകശേഷിയും പ്രതിസന്ധിനിർവഹണ കഴിവും തെളിയിക്കുന്നതായിരുന്നു.2020-ലെ കോവിഡ് മഹാമാരിക്കാലത്ത്, ആരോഗ്യം പോലും പണയപ്പെടുത്തി നിരവധി പുനരധിവാസ (repatriation) വിമാനങ്ങൾ വഴി  പ്രവാസികളുടെ സുരക്ഷിത തിരിച്ചുവരവിന് നേതൃത്വം നൽകുകയും ചെയ്തു. 2025-ലെ പ്രയാഗ്‌രാജ് മഹാകുംഭ മേള സമയത്ത് വിമാനത്താവള ഓപ്പറേഷനുകൾക്ക് വിജയകരമായി നേതൃത്വം നൽകിയതും അവരുടെ കരിയറിലെ മറ്റൊരു നിർണായക ഘട്ടമായിരുന്നു.
കാലിക്കറ്റ് വിമാനത്താവളത്തിൽ Head of Department (Airside Operations) ആയി സേവനം അനുഷ്ഠിച്ച കാലത്ത് വിമാനത്താവളത്തിന്റെ പ്രവർത്തനക്ഷമതയും സുരക്ഷിതത്വവും മെച്ചപ്പെടുത്തുന്നതിൽ അവർ നൽകിയ സംഭാവന ശ്രദ്ധേയമായിരുന്നു.

ബസ് സർവീസുകളുടെ ഏകോപനം, വിമാനത്താവള  ശുചിത്വസംരക്ഷണം, പക്ഷിസാന്നിധ്യo കുറയ്ക്കൽ, വെയ്സ്റ്റ് മാനേജ്മെൻ്റ് എന്നിവയിൽ അവർ ഫലപ്രദമായ നടപടികൾ നടപ്പാക്കി. മലപ്പുറം ജില്ലാ ഭരണകൂടത്തോടൊപ്പം ചേർന്ന് വിമാനത്താവള പരിസരത്തെ പരിസ്ഥിതി പരിപാലനം ഉറപ്പാക്കിയതും, എയർഫോഴ്സും കോസ്റ്റ് ഗാർഡും ചേർന്ന് ദുരന്തസമയങ്ങളിലെ രക്ഷാപ്രവർത്തനങ്ങൾ നയിച്ചതും അവരുടെ നേതൃത്വശേഷിയുടെ തെളിവുകളാണ്.

KSIE കാർഗോ പ്രവർത്തനങ്ങളുടെ നോഡൽ ഓഫീസറായും Low Visibility Procedures നടപ്പാക്കുന്നതിലും AOCC പ്രവർത്തനങ്ങൾ ഉറപ്പാക്കുന്നതിലും അവർ നിർണായക പങ്കുവഹിയ്ക്കുക മാത്രമല്ല വിവിധ സംസ്ഥാനങ്ങളിലേയും കേന്ദ്ര ഏജൻസികളിലേയും സഹകരണത്തോടെ നിരവധി പ്രധാന പദ്ധതികൾക്കും ഏകോപന പ്രവർത്തനങ്ങൾക്കും അവർ നേതൃത്വം നൽകുകയും ചെയ്തു. അദാനി ഗ്രൂപ്പിന്റെ PPP ട്രാൻസിഷൻ കാലഘട്ടത്തിലും സുപ്രധാന ഏകോപന പ്രവർത്തനങ്ങൾ വിജയകരമായി മുന്നോട്ടുകൊണ്ടുപോയതിലൂടെ എയർപോർട്ട് മാനേജ്മെൻ്റ് സംഘടനാ തലത്തിൽ അവർക്കു കൂടുതൽ അംഗീകാരം ലഭിച്ചു.തിരുവനന്തപുരം പൂവച്ചൽ സ്വദേശിയായ ഭർത്താവ്  അനിൽദേവ് ചലച്ചിത്ര സംവിധായകനും തിരുവനന്തപുരം ബാറിലെ സീനിയർ അഭിഭാഷകനുമാണ്.

ബിരുദ വിദ്യാർത്ഥികളായ അഭിരാമിയും അഭിഷേകുമാണ് മക്കൾ … FacebookTwitterWhatsAppTelegram