ബറേലി: ബറേലിയിലും ബുൾഡോസർ നടപടിയുമായി ഉത്തർപ്രദേശ് സർക്കാർ. സമീപ ദിവസങ്ങളിൽ ഐ ലവ് മുഹമ്മദ് വിവാദവുമായി ബന്ധപ്പെട്ട് നഗരത്തിൽ സംഘർഷമുണ്ടായിരുന്നു.
തുടർന്നാണ് നഗരത്തിലെ അനധികൃത നിർമ്മാണങ്ങൾക്കെതിരെ ജില്ലാ ഭരണകൂടം ശനിയാഴ്ച പൊളിക്കൽ നടപടിയുമായി രംഗത്തെത്തിയത്. ശനിയാഴ്ച രാവിലെ, ജാഖിര പ്രദേശത്തെ ഡോ.
നഫീസ് അഹമ്മദിന്റെ ഉടമസ്ഥതയിലുള്ള റാസ പാലസ് എന്ന വിവാഹ മണ്ഡപം ബറേലി വികസന അതോറിറ്റി പൊലീസ് സേനയുടെ സാന്നിധ്യത്തിൽ പൊളിച്ചുമാറ്റി. കെട്ടിട
നിർമ്മാണ ചട്ടങ്ങൾ ലംഘിച്ചതിനാലാണ് നടപടി സ്വീകരിച്ചതെന്ന് ഉദ്യോഗസ്ഥർ പറഞ്ഞു. മൗലാന തൗഖീർ റാസ അഭയം പ്രാപിച്ചതായി ആരോപിക്കപ്പെടുന്ന ഫർഹത്തിന്റെ വീട് ഭരണകൂടം സീൽ ചെയ്തു.
കൂടാതെ, മുനിസിപ്പൽ കോർപ്പറേഷൻ സൈലാനി പ്രദേശത്ത് കടകളുടെയും വീടുകളുടെയും അനധികൃത വിപുലീകരണങ്ങൾ നീക്കം ചെയ്തു. സെപ്റ്റംബർ 26നാണ് സംഘർഷമുണ്ടായത്.
തുടർന്ന് പൊലീസ് ലാത്തിവീശി. അക്രമ സംഭവങ്ങളിൽ പൊലീസുകാർക്ക് പരിക്കേറ്റിരുന്നു.
കഴിഞ്ഞ വെള്ളിയാഴ്ച പ്രാർഥന കനത്ത പൊലീസ് സുരക്ഷയിലാണ് നടന്നത്. ഇത്തിഹാദ്-ഇ-മില്ലത്ത് കൗൺസിൽ ചീഫ് പുരോഹിതന്റെ കൂട്ടാളികളുമായി ബന്ധപ്പെട്ട
എട്ട് അനധികൃത സ്വത്തുക്കൾ പൊളിച്ചുമാറ്റാൻ സാധ്യതയുള്ളതായി ബറേലി ഉദ്യോഗസ്ഥർ നേരത്തെ കണ്ടെത്തിയിരുന്നു. ബറേലി ഡെവലപ്‌മെന്റ് അതോറിറ്റി (ബിഡിഎ), ജില്ലാ ഭരണകൂടം എന്നിവിടങ്ങളിൽ നിന്നുള്ള സംഘങ്ങൾ ഫായിഖ് എൻക്ലേവ്, ജഗത്പൂർ, പഴയ നഗരം എന്നിവയുൾപ്പെടെയുള്ള പ്രദേശങ്ങൾ പരിശോധിച്ചു.
തൗഖീർ റാസയുടെ കൂട്ടാളികളുടെയും ധനകാര്യ സ്ഥാപനങ്ങളുടെയും ശൃംഖല അധികൃതർ സൂക്ഷ്മമായി നിരീക്ഷിച്ചുവരികയാണ്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
