ഭാര്യയെ ഒളിച്ചോടാൻ സഹായിച്ചതായി സംശയം; ഭാര്യാസഹോദരിയെ വെട്ടിക്കൊന്ന് യുവാവ്

ന്യൂഡൽഹി∙ ഭാര്യയെ ഒളിച്ചോടാൻ സഹായിച്ചുവെന്ന സംശയത്തിന്റെ പുറത്ത് യുവാവ് ഭാര്യാസഹോദരിയെ . ഡൽഹിയിലെ ഖ്യാലാ മേഖലയിലാണ് സംഭവം.

കുടുംബാംഗങ്ങളായ രണ്ടുപേർക്കു പരുക്കേൽക്കുകയും ചെയ്തു. നുസ്രത് (39) എന്ന സ്ത്രീയാണ് കൊല്ലപ്പെട്ടത്.

ഇവരുടെ സഹോദരിയുടെ ഭർത്താവായ ഇസ്തികർ അഹമ്മദിനെ (42) പൊലീസ് അറസ്റ്റു ചെയ്തു. മറ്റൊരു സഹോദരിയായ അക്ബരി, കൊല്ലപ്പെട്ട

നുസ്രത്തിന്റെ മകൾ സാനിയ എന്നിവർക്കാണ് പരുക്കേറ്റത്. 
ഇസ്തികർ അഹമ്മദിന്റെ ഭാര്യ മറ്റൊരാളോടൊപ്പം ഒളിച്ചോടിയിരുന്നു. ഭാര്യയുടെ ബന്ധുക്കൾ ഇതിനു സഹായം ചെയ്തുകൊടുത്തുവെന്ന സംശയം ഇയാൾക്കുണ്ടായിരുന്നു.

തുടർന്ന് ഇന്നു രാവിലെ ഭാര്യവീട്ടിലെത്തിയ ഇയാൾ കയ്യിൽ കരുതിയ കത്തി ഉപയോഗിച്ച് നുസ്രത്തിനെ വെട്ടുകയായിരുന്നു. തടയാനെത്തിയ അക്ബരിക്കും വെട്ടേറ്റു.

നുസ്രത്തിന്റെ മകൾ സാനിയയുടെ വിരൽ ആക്രമണത്തിൽ അറ്റു. പിന്നാലെ കൂടുതൽ കുടുംബാംഗങ്ങളെത്തി പ്രതിയെ കീഴ്​പ്പെടുത്തി പൊലീസിനു കൈമാറുകയായിരുന്നു. 

… FacebookTwitterWhatsAppTelegram