തലക്കശ്ശേരി ∙ നാട്ടുകാർക്കായി സ്വന്തം ചെലവിൽ റോഡ് നിർമിച്ച് ബ്ലോക്ക് പഞ്ചായത്ത് അംഗം. പട്ടിത്തറ പഞ്ചായത്തിലെ കോട്ടപ്പാടത്താണ് തൃത്താല ബ്ലോക്ക് പഞ്ചായത്ത് അംഗം മാളിയേക്കൽ ബാവ സ്വന്തം ചെലവിൽ റോഡ് നിർമിച്ചു നൽകിയത്.
മേഖലയിലെ പത്തിലധികം വരുന്ന കുടുംബങ്ങൾക്ക് സഞ്ചാരയോഗ്യമായ പാത ഒരുക്കി നൽകാമെന്ന് നേരത്തെ വാഗ്ദാനം നൽകിയിരുന്നു. ഭരണസമിതി കാലാവധി കഴിയും മുൻപ് നടപ്പാകില്ലെന്ന് ഉറപ്പായപ്പോഴാണ് താൻ നൽകിയ വാക്ക് പാഴ്‌വാക്കാവാതിരിക്കാൻ ബാവ റോഡ് കോൺക്രീറ്റ് ചെയ്ത് നൽകിയത്.
ഒരു ലക്ഷം രൂപ ചെലവിലാണ് നൗഷാദ് പടി റോഡിന്റെ കോൺക്രീറ്റിങ് പൂർത്തിയായത്.
സാങ്കേതിക പ്രശ്നങ്ങൾ നിരത്തി അധികൃതർ തടസ്സം നിന്നതോടെയാണ് 33മൂന്ന് മീറ്റർ നീളവും മൂന്ന് മീറ്റർ വീതിയിലുമുള്ള റോഡ് നിർമാണം സ്വന്തം ചെലവിൽ നടത്തിയത്. റോഡ് കഴിഞ്ഞ ദിവസം പൊതുജനങ്ങൾക്കായി തുറന്നു കൊടുത്തു.
തനിക്കു ലഭിക്കുന്ന ഓണറേറിയം തയ്യൽ മെഷീൻ, ആട് തുടങ്ങിയവ വിതരണം ചെയ്തും അങ്കണവാടിക്ക് ചുറ്റുമതിൽ നിർമിച്ചും ശുദ്ധജല പദ്ധതി നടപ്പാക്കിയും മറ്റുമാണ് അദ്ദേഹം ചെലവഴിച്ചിരുന്നത്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
