തൊണ്ടയിലെ കോശങ്ങളുടെ അനിയന്ത്രിതമായ വളർച്ചയാണ് തൊണ്ടയിലെ അർബുദത്തിന് കാരണമാകുന്നത്. പുകവലി, മദ്യപാനം, മറ്റ് ലഹരി വസ്തുക്കളുടെ ഉപയോഗം എന്നിവയാണ് ഇതിന്റെ പ്രധാന അപകട
ഘടകങ്ങൾ. തൊണ്ടയിലെ അർബുദത്തിന്റെ സാധാരണയായി കണ്ടുവരുന്ന ചില ലക്ഷണങ്ങൾ താഴെ നൽകുന്നു.
വിട്ടുമാറാത്ത തൊണ്ടവേദനയാണ് പ്രധാന ലക്ഷണങ്ങളിലൊന്ന്. സാധാരണ ചികിത്സയിൽ ഭേദമാകാതെ ആഴ്ചകളോളം നീണ്ടുനിൽക്കുന്ന തൊണ്ടവേദന അർബുദത്തിന്റെ സൂചനയാകാം.
ശബ്ദത്തിലുണ്ടാകുന്ന മാറ്റം, അല്ലെങ്കിൽ ശബ്ദമടപ്പ് എന്നിവയും തൊണ്ടയിലെ അർബുദത്തിന്റെ പ്രാരംഭ ലക്ഷണങ്ങളിൽ പെടുന്നു. ആഹാരം ഇറക്കാൻ പ്രയാസം അനുഭവപ്പെടുക, ഭക്ഷണം വിഴുങ്ങുമ്പോൾ വേദന തോന്നുക എന്നിവയും രോഗലക്ഷണമാകാം.
കഴുത്തിൽ മുഴകളോ തടിപ്പോ കാണപ്പെടുക, തൊണ്ടയിൽ എന്തോ കുടുങ്ങിയതുപോലെയുള്ള തോന്നൽ എന്നിവ നിസ്സാരമായി കാണരുത്. ചിലരിൽ അർബുദം ചെവിയിലേക്കുള്ള ഞരമ്പുകളിൽ സമ്മർദ്ദം ചെലുത്തുന്നതിനാൽ, ദിവസങ്ങളോളം നീണ്ടുനിൽക്കുന്ന ചെവി വേദനയും ഒരു ലക്ഷണമായി കണക്കാക്കാം.
പ്രത്യേകിച്ച് കാരണങ്ങളൊന്നുമില്ലാതെ ശരീരഭാരം കുറയുക, അമിതമായ ക്ഷീണം എന്നിവ മറ്റ് ലക്ഷണങ്ങൾക്കൊപ്പം കണ്ടാൽ ശ്രദ്ധിക്കേണ്ടതുണ്ട്. മുകളിൽ പറഞ്ഞ ലക്ഷണങ്ങൾ ശ്രദ്ധയിൽപ്പെട്ടാൽ സ്വയം ചികിത്സിക്കാനോ നിഗമനങ്ങളിൽ എത്താനോ ശ്രമിക്കരുത്.
ഉടൻതന്നെ ഒരു ഡോക്ടറെ സമീപിച്ച് ആവശ്യമായ പരിശോധനകളിലൂടെ രോഗനിർണയം നടത്തേണ്ടത് അത്യാവശ്യമാണ്. FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
