കെ എസ് ഹരിഹരൻ കഥയെഴുതി സംവിധാനം ചെയ്യുന്ന ‘ദി സൈലൻ്റ് വിറ്റ്നെസ്’ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ‘കാളച്ചേകോൻ’ എന്ന ചിത്രത്തിന് ശേഷം കെ എസ് ഹരിഹരൻ ഒരുക്കുന്ന സിനിമയാണിത്.
പുതുമുഖമായ മധു വെങ്ങാട്, ഷാജു കൊടിയൻ, ശിവജി ഗുരുവായൂർ, പ്രദീപ് കോഴിക്കോട്, കവിത മഞ്ചേരി, കാവ്യ പുഷ്പമംഗലം തുടങ്ങിയവർ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകൻ കെ എസ് ഹരിഹരൻ്റെ വരികൾക്ക് ഭവനേഷ് അങ്ങാടിപ്പുറം സംഗീതം നൽകിയിരിക്കുന്നു.
ആറാം ക്ലാസ് വിദ്യാർത്ഥിനിയായ സാത്വികയാണ് ഗായിക. ഗൗരിമിത്ര പ്രൊഡക്ഷൻസിൻ്റെ ബാനറിൽ മധു വെങ്ങാട് നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം ടി എസ് ബാബു നിർവഹിക്കുന്നു.
വിനീഷ് നെമ്മാറ (അസോസിയേറ്റ് ഡയറക്ടർ), ഷിബു വെട്ടം (കലാസംവിധാനം), ശ്രീനി (വസ്ത്രാലങ്കാരം) എന്നിവരാണ് മറ്റ് അണിയറ പ്രവർത്തകർ. সমাজে വർധിച്ചുവരുന്നതും തെളിയിക്കപ്പെടാതെ പോകുന്നതുമായ വലിയ കുറ്റകൃത്യങ്ങൾക്കുപോലും ഒരു സാക്ഷിയെ സമൂഹം എവിടെയെങ്കിലും ഒളിപ്പിച്ചുവെച്ചിട്ടുണ്ടാകാം എന്ന ആശയമാണ് ചിത്രം മുന്നോട്ടുവെക്കുന്നത്.
ജീവിതത്തിൻ്റെ രണ്ടറ്റവും കൂട്ടിമുട്ടിക്കാൻ പ്രയാസപ്പെടുന്ന ഒരു സാധാരണ അധ്യാപകൻ്റെ ഇടപെടലിലൂടെ ഒരു വലിയ സത്യം പുറത്തുവരുന്നു. തുടർന്ന്, മാഫിയകളുടെ ശക്തമായ ആക്രമണത്തിൽ കുടുംബവും ജീവിതവും നഷ്ടപ്പെടുമെന്ന് തോന്നുന്ന ഘട്ടത്തിൽ ഒരു ദൈവദൂതനെപ്പോലെ എത്തുന്ന അദൃശ്യശക്തിയുടെ ഇടപെടലുകളാണ് ചിത്രം സസ്പെൻസിൻ്റെ പശ്ചാത്തലത്തിൽ ദൃശ്യവൽക്കരിക്കുന്നത്.
ഇടുക്കി, നിലമ്പൂർ, ചമ്രവട്ടം എന്നിവിടങ്ങളിലായി ചിത്രീകരണം പൂർത്തിയാക്കിയ ‘ദി സൈലൻ്റ് വിറ്റ്നെസ്’ ക്രിസ്മസിന് തിയേറ്ററുകളിലെത്തും. പി ആർ ഒ- എ എസ് ദിനേശ്.
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
