വരാനിരിക്കുന്ന വില കുറഞ്ഞ ഇലക്ട്രിക് എസ്‌യുവികൾ

ഇന്ത്യൻ വിപണിയിൽ ഇലക്ട്രിക് വാഹനങ്ങൾ ക്രമേണ ശക്തി പ്രാപിക്കുന്നു. വർദ്ധിച്ചുവരുന്ന ഡിമാൻഡ് കണക്കിലെടുത്ത് വിവധ കമ്പനികൾ വരും വർഷങ്ങളിൽ നിരവധി പുതിയ മോഡലുകൾ ആസൂത്രണം ചെയ്തിട്ടുണ്ട്.

ഇന്ത്യയിൽ നിലവിൽ ലഭ്യമായ മിക്ക ഇലക്ട്രിക് വാഹനങ്ങളും വിലയേറിയതാണെങ്കിലും, എംജിയും ടാറ്റയും കോമറ്റ് ഇവി, വിൻഡ്‌സർ ഇവി, ടിയാഗോ ഇവി, പഞ്ച് ഇവി തുടങ്ങിയ താങ്ങാനാവുന്ന വിലയുള്ള വാഹനങ്ങൾ നൽകാൻ കഴിഞ്ഞു. എങ്കിലും, കോംപാക്റ്റ് എസ്‌യുവി വിഭാഗത്തിന്റെ കാര്യത്തിൽ, ഓപ്ഷനുകൾ ഇപ്പോഴും പരിമിതമാണ്.

പക്ഷേ 2026 ൽ അങ്ങനെയാകില്ല, കാരണം കുറഞ്ഞത് നാല് പുതിയ താങ്ങാനാവുന്ന കോംപാക്റ്റ് ഇലക്ട്രിക് എസ്‌യുവികളെങ്കിലും ഇന്ത്യൻ റോഡുകളിൽ എത്താൻ പോകുന്നു. വരാനിരിക്കുന്ന കോംപാക്റ്റ് ഇലക്ട്രിക് എസ്‌യുവികളെ പരിചയപ്പെടാം.

2026 ൽ പുറത്തിറങ്ങാനിരിക്കുന്ന മഹീന്ദ്രയുടെ ഏറ്റവും താങ്ങാനാവുന്ന വിലയിൽ പുറത്തിറങ്ങുന്ന ഇലക്ട്രിക് വാഹനമായിരിക്കും XUV 3XO ഇവി. കോംപാക്റ്റ് എസ്‌യുവിയിൽ ചെറിയ വലിപ്പത്തിലുള്ള ബാറ്ററി പായ്ക്കും (ഏകദേശം 35kWh പ്രതീക്ഷിക്കുന്നു) ഒരു ഇലക്ട്രിക് മോട്ടോറും ഉണ്ടാകാൻ സാധ്യതയുണ്ട്.

അകത്തും പുറത്തും ഇവിക്ക് വേണ്ടിയുള്ള ചില മാറ്റങ്ങൾ ഇതിൽ ഉൾപ്പെടുത്തിയേക്കാം. 2026 ന്റെ തുടക്കത്തിൽ പുറത്തിറങ്ങുന്നതിന് മുന്നോടിയായി കിയ സിറോസ് ഇവിയുടെ പരീക്ഷണം ആരംഭിച്ചു കഴിഞ്ഞു.

ആഗോളതലത്തിൽ വിൽപ്പനയ്ക്കുള്ള ഹ്യുണ്ടായി ഇൻസ്റ്റർ ഇവിയിൽ നിന്ന് കടമെടുത്ത 42kWh, 49kWh എൻഎംസി ബാറ്ററി പായ്ക്ക് ഓപ്ഷനുകളോടെയാണ് ഈ മോഡൽ വാഗ്ദാനം ചെയ്യുന്നത്. സ്പൈ ചിത്രങ്ങൾ കാണിക്കുന്നത് ഇതിൽ സീൽ ചെയ്ത ഗ്രില്ലും ഫ്രണ്ട്-മൗണ്ടഡ് ചാർജിംഗ് പോർട്ടും ഉണ്ടായിരിക്കുമെന്നാണ്.

അതുപോലെ ഇന്ത്യയ്ക്കായി വിൻഫാസ്റ്റ് ഒരു ടോപ്പ്-ഡൌൺ ഉൽപ്പന്ന തന്ത്രം സ്വീകരിച്ചിരിക്കുന്നു. ഫ്ലാഗ്ഷിപ്പ് VF7, VF6 ഇലക്ട്രിക് എസ്‌യുവികളുമായി അവർ ഇവിടെ തങ്ങളുടെ ഇന്നിംഗ്സ് ആരംഭിച്ചു, 2026 ൽ താങ്ങാനാവുന്ന വിലയുള്ള VF3 കോംപാക്റ്റ് ഇലക്ട്രിക് എസ്‌യുവിയുമായി ഇത് തുടരും .

ആഗോളതലത്തിൽ, VF3 രണ്ട് ട്രിമ്മുകളിൽ ലഭ്യമാണ് – ഇക്കോ, പ്ലസ് – കൂടാതെ 18.64kWh ലിഥിയം-അയൺ ബാറ്ററി പായ്ക്കുമായി വരുന്നു. ടാറ്റ പഞ്ച് ഇവിക്കുള്ള ഹ്യുണ്ടായിയുടെ എതിരാളി ആയിരിക്കും ഇൻസ്റ്റർ ഇവി .

ആഗോള വിപണിയിൽ, കോം‌പാക്റ്റ് ഇലക്ട്രിക് എസ്‌യുവി 42kWh, 49kWh ബാറ്ററി പായ്ക്കുകളിൽ ലഭ്യമാണ്, ഇന്ത്യയിലും ഇതേ ഓപ്ഷനുകൾ വാഗ്ദാനം ചെയ്യുമെന്ന് പ്രതീക്ഷിക്കുന്നു. ADAS, 360-ഡിഗ്രി ക്യാമറ എന്നിവയുൾപ്പെടെ നിരവധി പ്രീമിയം സവിശേഷതകൾ ഈ മോഡലിൽ ഉൾപ്പെടുത്തിയിട്ടുണ്ട്.

  … FacebookTwitterWhatsAppTelegram