രാഹുൽ മാങ്കൂട്ടത്തിൽ എംഎൽഎ ഉടനെത്തും; വികസനപദ്ധതികൾ ‘ഫോളോഅപ്’ ചെയ്ത് പാലക്കാട്ടെ ഓഫിസ്

പാലക്കാട് ∙ നിയമസഭയിൽ ഹാജരായ രാഹുൽ മാങ്കൂട്ടത്തിൽ എംഎൽഎ ഉടൻ പാലക്കാട്ടെത്തും. സിപിഎമ്മും ബിജെപിയും എതിർക്കുന്നുണ്ടെങ്കിലും ഈ ആഴ്ച തന്നെ മണ്ഡലത്തിൽ എത്താനാണ് രാഹുൽ ആലോചിക്കുന്നത്.

രാഹുൽ മണ്ഡലത്തിൽ എത്തിയില്ലെങ്കിലും അദ്ദേഹത്തിന്റെ ഓഫിസ് സജീവമായി പ്രവർത്തിക്കുന്നുണ്ട്. തിരുവനന്തപുരത്തു മന്ത്രി കെ.രാജൻ പങ്കെടുത്ത റവന്യു അസംബ്ലിയിൽ മണ്ഡലത്തിന്റെ ആവശ്യങ്ങൾ സംബന്ധിച്ചു രാഹുൽ ഒപ്പിട്ട

നിവേദനം സമർപ്പിച്ചു. നേരത്തെ ഫണ്ട് നീക്കിവച്ച പദ്ധതികളുമായി ബന്ധപ്പെട്ടും തുടർപ്രവർ‍ത്തനങ്ങൾ നടത്തുന്നുണ്ട്.
ഒരു പൗരൻ എന്ന നിലയിൽ രാഹുൽ മാങ്കൂട്ടത്തലിന് എവിടെ വേണമെങ്കിലും പോകാം.

എംഎൽഎ ഓഫിസിൽ പ്രവേശിച്ചാൽ ആ സമയത്ത് പ്രതിഷേധം എന്തെന്നു കാണിച്ചുകൊടുക്കും. ദേഹോപ്രദവം ഏ‍ൽപ്പിച്ചുള്ള സമരം അല്ല, ഇതുവരെ കാണാത്ത ജനകീയ പ്രതിഷേധമായിരിക്കും ഉയരുക.
ആർ.ജയദേവൻ ഡിവൈഎഫ്ഐ ജില്ലാ പ്രസിഡന്റ്
അതേസമയം, രാഹുൽ മാങ്കൂട്ടത്തിൽ ജില്ലയിലെത്തുന്നതു സംബന്ധിച്ച് വിവരമൊന്നും ലഭിച്ചില്ലെന്ന് ഡിസിസി പ്രസിഡന്റ് എ.തങ്കപ്പൻ പറഞ്ഞു.

പാർട്ടിയിൽ നിന്നു കെപിസിസി സസ്പെൻഡ് ചെയ്തതിനാൽ രാഹുൽ ഇപ്പോൾ സ്വതന്ത്ര എംഎൽഎയാണ്. മണ്ഡലം എംഎൽഎ എന്ന നിലയിൽ രാഹുൽ എത്തുന്നതിൽ ഡിസിസി പ്രത്യേകമായി ഒന്നും ചെയ്യേണ്ടതില്ല. അദ്ദേഹത്തിനൊപ്പം കോൺഗ്രസ് പ്രവർത്തകർ സഹകരിച്ചാൽ നടപടിയുണ്ടാകുമോയെന്ന ചോദ്യത്തിന് കെപിസിസിയാണ് അത്തരം കാര്യങ്ങളിൽ നടപടി സ്വീകരിക്കേണ്ടതെന്നും അദ്ദേഹം പറ‍ഞ്ഞു. രാഹുൽ എത്തിയാൽ ഒപ്പമുണ്ടാകുമെന്ന് നഗരസഭ കോൺഗ്രസ് കൗൺസിലർ മൺസൂർ മണലാഞ്ചേരി ഉൾപ്പെടെയുള്ളവർ പറഞ്ഞിരുന്നു.
രാഹുൽ മാങ്കൂട്ടത്തിലിനെ എംഎൽഎ എന്ന നിലയിൽ പാലക്കാട് ഒരു പരിപാടിയിലും പങ്കെടുക്കാൻ അനുവദിക്കില്ല.

കോൺഗ്രസുകാർക്കു പോലും വേണ്ടാത്ത ആളെ പാലക്കാട്ടുകാരുടെ തലയിൽ കെട്ടിവയ്ക്കരുത്. രാഹുൽ വിഷയത്തിൽ സിപിഎം, കോ‍ൺഗ്രസ് നിലപാട് തട്ടിപ്പാണ്.
പ്രശാന്ത് ശിവൻ ബിജെപി ഈസ്റ്റ് ജില്ലാ പ്രസിഡന്റ് … FacebookTwitterWhatsAppTelegram