നടവയൽ∙ കായക്കുന്ന് പതിക്കൽ മാത്യുവിന്റെ നാടൻ പൂവൻ കോഴികളെയും മുയലിനെയും കഴിഞ്ഞ രാത്രി തെരുവുനായ്ക്കൾ കൂടുതകർത്ത് കൊന്നുതിന്നു. കഴിഞ്ഞവർഷവും ഇദ്ദേഹത്തിന്റെ കോഴികളെ തെരുവുനായ്ക്കൾ കൊന്ന് തിന്നിരുന്നെങ്കിലും കൂട് തകർത്ത് കോഴികളെ പിടികൂടി കൊന്നു തിന്നത് ആദ്യമായിട്ടാണെന്ന് കർഷകൻ പറയുന്നു.
ഈ വർഷം 3 കിലോയോളം തൂക്കമുള്ള 25 കോഴികളെയും ഒരു മുയലിനെയുമാണ് ഇദ്ദേഹത്തിനു നഷ്ടമായത്. ഈ ഭാഗത്ത് കഴിഞ്ഞ ആഴ്ച തൊണ്ടനോടിയിൽ വിജയന്റെ 8 വളർത്തു മുയലുകളെയും തെരുവുനായ കൊന്നിരുന്നു.
തെരുവുനായശല്യം അതിരൂക്ഷമായ ഈ ഭാഗത്തെ ഒട്ടുമിക്ക വീടുകളിൽ നിന്നും ഇതിനോടകം ഒട്ടേറെ കോഴികളെയും മുയലുകളെയും തെരുവുനായ്ക്കൾ കൊന്നു തിന്നിട്ടുണ്ട്. ഇതുകൊണ്ടു തന്നെ ഇവിടെയുള്ള മിക്ക കർഷകരുടെയും കോഴിക്കൂടുകൾ ഒഴിഞ്ഞു കിടക്കുകയാണ്. നിലവിൽ തെരുവുനായശല്യം മൂലം.കോഴികളെയും മുയലുകളെയും വളർത്താൻ പറ്റാത്ത സാഹചര്യമാണ് ഇവിടെയുള്ളത്.
പ്രദേശത്തെ രൂക്ഷമായ തെരുവുനായ ശല്യത്തിന് പരിഹാരം കാണാൻ ബന്ധപ്പെട്ട അധികാരികൾ നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
