റാന്നി ∙ വലിയപാലത്തിന്റെ നടപ്പാതയിലേക്കു കാർ ഇടിച്ചുകയറി. കൈവരി തകർത്ത് കാർ ആറ്റിൽ വീഴാഞ്ഞത് ഭാഗ്യത്താൽ മാത്രം.
ആർക്കും പരുക്കില്ല. നടപ്പാതയിലൂടെ കാർ തള്ളി നീക്കി റോഡിൽ ഇറക്കിയശേഷം പിന്നീട് വിട്ടുപോയി. വ്യാഴാഴ്ച 10.26ന് ആണ് സംഭവം.
മാമുക്ക് ഭാഗത്തു നിന്നെത്തിയ കാറാണ് റാന്നി വലിയപാലത്തിന്റെ ഒരടി ഉയരമുള്ള നടപ്പാതയിലേക്ക് ഇടിച്ചു കയറിയത്. ബ്ലോക്ക് പഞ്ചായത്തിന്റെ നിർമാണത്തിലിരിക്കുന്ന വഴിയിടത്തിനു മുന്നിലെത്തിയ കാർ ഇടതു വശത്തെ നടപ്പാതയിലേക്കു കയറുകയായിരുന്നു.
കുറെ ഓടിയ ശേഷം കൈവരിയിൽ ഇടിച്ചുനിന്നു. കാറിനു മുന്നിൽ വലതു വശത്തു കൂടി പോയ സ്കൂട്ടർ യാത്രക്കാരൻ വെട്ടിച്ചു രക്ഷപ്പെടുകയായിരുന്നു.
സംഭവം നടന്നതിനു പിന്നാലെ കാർ ഓടിച്ചിരുന്നയാൾ ഓടിപ്പോയി. മറ്റൊരു കൂട്ടർ എത്തിയാണ് കാർ തള്ളി നീക്കി റോഡിലിറക്കിയതും വിട്ടു പോയതും.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
