‘എംപിയായി വിലസും, തടയാൻ ജയരാജന്റെ സൈന്യം പോര; ആ വാറോല മടക്കിക്കെട്ടി അലമാരയിൽ വച്ചാൽ മതി’

കണ്ണൂർ∙ എംപിയായി വിലസാൻ തന്നെയാണ് തീരുമാനമെന്നും അതു തടയാൻ സൈന്യം പോരാതെ വരുമെന്നും രാജ്യസഭ എംപി സി.സദാനന്ദൻ. സി.സദാനന്ദൻ കേരളത്തിലെ പ്രജ്ഞാ സിങ് ഠാക്കൂറാണെന്നായിരുന്നു സിപിഎം സംസ്ഥാന സെക്രട്ടേറിയറ്റ് അംഗം എം.വി.ജയരാജൻ കഴിഞ്ഞ ദിവസം പറഞ്ഞത്.

സിപിഎമ്മുകാരെ ജയിലിലാക്കി എംപിയായി വിലസാമെന്നു കരുതേണ്ടെന്നും പറഞ്ഞിരുന്നു. ഇതടക്കം ജയരാജന്റെ രൂക്ഷമായ വിമർശനത്തിനു മറുപടി പറയുകയായിരുന്നു സദാനന്ദൻ.
∙പോസ്റ്റിന്റെ പൂർണരൂപം
എംപിയായി വിലസാൻ തന്നെയാണ് തീരുമാനം….!!

സഖാവിന്റെ സൈന്യവും പോരാതെ വരും. 
കമ്മ്യൂണിസ്റ്റുകാരെ (?) ജയിലിലാക്കിയത് പരമോന്നത നീതിപീഠമാണ്. നിങ്ങൾ നേതാക്കൾ ബോംബും വാളും മഴുവും നൽകി പറഞ്ഞയച്ചതനുസരിച്ച് കൊടുംക്രൂരത കാണിച്ചതിനുള്ള ശിക്ഷയാണ്.

ഇപ്പോൾ വിലപിച്ചിട്ട് കാര്യമില്ല.
ഞാൻ രാജ്യസഭാംഗമായത് ആരാധ്യയായ രാഷ്ട്രപതിയുടെ ഉത്തരവിലൂടെയാണ്. ലോക നേതാവായ പ്രധാനമന്ത്രിയുടെ നിർദേശത്താലാണ്.

പ്രസ്ഥാനത്തിനായി ജീവൻ വെടിഞ്ഞവർ (അല്ല നിങ്ങൾ കൊത്തിക്കീറി സംഹരിച്ചവർ) നെഞ്ചേറ്റിയ ആദർശത്തിന്റെ സാക്ഷാത്കാരമായാണ്. പ്രസ്ഥാനം പഠിപ്പിച്ചതനുസരിച്ച് ദശാബ്ദങ്ങളായി നടത്തുന്ന സാമൂഹ്യ സേവനത്തിനുള്ള അംഗീകാരമായാണ്. 
അതിൽ അസഹിഷ്ണുത പൂണ്ട്, വെറികൊണ്ട് കലിതുള്ളി തൊണ്ട

അതുകൊണ്ട് ആ വാറോല മടക്കിക്കെട്ടി അങ്ങ് അലമാരയിൽ വച്ചാൽ മതി.
ഇങ്ങനെയൊക്കെ പറയണമെന്ന് ചിന്തിച്ചതേയല്ല. പറയരുതെന്നു തന്നെയാണ് നിശ്ചയിച്ചിരുന്നതും.

പറയിപ്പിച്ചേ അടങ്ങൂ എന്നാണെങ്കിൽ എന്തു ചെയ്യും…! നാടിന് ഗുണമുണ്ടാകുന്ന പണി ധാരാളം വേറെയുണ്ട്.

…