മാവൂർ ∙ കുറ്റിക്കുളത്തെ തകർന്ന കലുങ്ക് പുതുക്കിപ്പണിയാൻ തുടങ്ങി. കൈത്തൂട്ടിമുക്കിൽ–അരയങ്കോട്–ചിറ്റാരി പിലാക്കിൽ റോഡിനു കുറുകെയുള്ള കലുങ്ക് കനത്ത മഴയിൽ തകർന്ന് റോഡിൽ വലിയ ഗർത്തം രൂപപ്പെട്ടിരുന്നു. ഇതുവഴിയുള്ള ഗതാഗതം നിലച്ചതിനാൽ പൊതുമരാമത്ത് വകുപ്പ് അടിയന്തിര പ്രാധാന്യമുള്ള പ്രവൃത്തിയിൽ ഉൾപ്പെടുത്തിയാണ് കലുങ്ക് പുതുക്കിപ്പണിയുന്നത്.
റോഡിനു കറുകെയുള്ള തകർന്ന കലുങ്ക് പൂർണമായി പൊളിച്ചു നീക്കി. കലുങ്ക് ഉണ്ടായിരുന്ന ഭാഗത്ത് റോഡിനു കുറുകെ വലിയ പൈപ്പ് സ്ഥാപിക്കും. എത്രയും വേഗം റോഡു വഴിയുള്ള ഗതാഗതം പുനസ്ഥാപിക്കും.
ശക്തമായ മഴയിൽ വെള്ളത്തിന്റെ കുത്തൊഴുക്കിലാണ് കലുങ്കിന്റെ പാർശ്വഭിത്തി തകർന്നത്. ഇക്കാര്യം ചൂണ്ടിക്കാട്ടി മലയാള മനോരമ കഴിഞ്ഞ ദിവസം വാർത്ത പ്രസിദ്ധീകരിച്ചിരുന്നു.
തുടർന്നാണ് നടപടി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
