കുരുന്നുകളുടെ ജീവനാണ്; ഇനിയും അവഗണിക്കരുതേ; കരീമഠം സ്കൂളിന് ഭീഷണിയായി വൈദ്യുത ലൈൻ

കുമരകം ∙ കരീമഠം ഗവ. വെൽഫെയർ യുപി സ്കൂളിൽ വൈദ്യുത ലൈൻ അപകട

സാഹചര്യത്തിൽ. ലൈൻ കടന്നു പോകുന്നതു സ്കൂൾ പാചകപ്പുരയുടെയും കുട്ടികളുടെ ഭക്ഷണശാലയുടെയും മുകളിലൂടെയാണ്.

പാടശേഖരത്തിന്റെ പുറം ബണ്ടിലാണ് സ്കൂൾ. ചെളി നിറഞ്ഞ പ്രദേശമാണ്.

കൂടാതെ വൈദ്യുതത്തൂണുകൾ കാറ്റിലും മഴയിലും ഒടിഞ്ഞു വീഴാൻ സാധ്യതയേറെ.മുൻപു വൈദ്യുത ലൈൻ കടന്നു പോയിരുന്നത് സ്കൂൾ കെട്ടിടത്തിൽനിന്നു മാറിയായിരുന്നു. കാറ്റിലും മഴയിലും പോസ്റ്റ് ഒടിഞ്ഞപ്പോൾ പുതിയതായി പോസ്റ്റ് ഇട്ട് ലൈൻ വലിച്ചത് സ്കൂൾ മൈതാനത്തിന്റെ ഒരു വശത്തു ചേർന്നായി.

അപകട സാധ്യത മനസ്സിലാക്കി സ്കൂൾ അധികൃതർ വൈദ്യുതി വകുപ്പിനെ വിവരം അറിയിച്ചു 2 വർഷമായിട്ടും നടപടിയെടുത്തിട്ടില്ല.
വെള്ളപ്പൊക്കത്തെത്തുടർന്നു തുറക്കാൻ കഴിയാതെ വന്ന സ്കൂൾ, അധ്യയന വർഷം തുടങ്ങി രണ്ടാഴ്ചയ്ക്കു ശേഷമാണു തുറന്നത്.

അടിസ്ഥാന സൗകര്യങ്ങളുടെ അഭാവം മൂലം ദുരിതം അനുഭവിക്കുന്ന സ്കൂളിനാണ് ഇപ്പോൾ വൈദ്യുത ലൈനിന്റെ ഭീഷണിയും നിലനിൽക്കുന്നത്. അപകടം ഉണ്ടായ ശേഷം ലൈൻ മാറ്റിയിട്ട് എന്തു കാര്യമെന്നാണു നാട്ടുകാരുടെ ചോദ്യം.കാറ്റും മഴയും ഉണ്ടാകുമ്പോൾ ഈ പ്രദേശത്തെ വൈദ്യുത പോസ്റ്റുകൾ മരം വീണ് ഒടിയുന്നതു പതിവാണ്.ലൈൻ നന്നാക്കാൻ വൈദ്യുതി വകുപ്പ് ജീവനക്കാർ എത്തുമ്പോഴൊക്കെ നാട്ടുകാരും സ്കൂൾ അധികൃതരും സ്കൂളിലെ വൈദ്യുത ലൈനിന്റെ അപകടത്തെക്കുറിച്ച് പറയും.

പക്ഷേ, അധികൃതർ കണ്ണ് തുറക്കുന്നില്ലെന്നാണ് നാട്ടുകാരുടെ പരാതി. …