ബജാജ് ഓട്ടോ ഇന്ത്യൻ വിപണിയിലെ തങ്ങളുടെ വാഹന നിരയിൽ നിന്ന് പൾസർ N150 പിൻവലിച്ചു. ഈ ബൈക്ക് ഔദ്യോഗിക വെബ്‌സൈറ്റിൽ നിന്നും നീക്കം ചെയ്തിട്ടുണ്ട്.
2023 സെപ്റ്റംബറിൽ പുറത്തിറങ്ങിയ പൾസർ N150ന് നിർത്തലാക്കുന്നതിന് മുമ്പ് 1,24,730 രൂപ ആയിരുന്നു എക്സ്-ഷോറൂം വില. കുറഞ്ഞ വിൽപ്പന മൂലമാകാം ഇത്രയും കുറഞ്ഞ സമയത്തിനുള്ളിൽ ഈ ബൈക്ക് നിർത്തലാക്കാൻ കാരണം എന്നാണ് റിപ്പോർട്ടുകൾ.
ബജാജ് പൾസർ N150 പൾസർ N160 യുമായി അതിന്റെ പ്ലാറ്റ്ഫോം പങ്കിട്ടിരുന്നു. എന്നാൽ ചെലവ് ചുരുക്കൽ നടപടികളുടെ ഭാഗമായി ഡ്യുവൽ ചാനൽ എബിഎസ് സിംഗിൾ ചാനൽ എബഎസ് തുടങ്ങിയവ ഒഴിവാക്കിയിരുന്നു.
പൾസർ N150 നും N160 നും ഇടയിൽ ഏകദേശം 8,000 രൂപയുടെ ചെറിയ വ്യത്യാസമുണ്ടായിരുന്നു. എൽഇഡി ഹെഡ്‌ലാമ്പ്, ടെയിൽ ലാമ്പ്, റൈഡ് കണക്ട് ആപ്പ് വഴി ബ്ലൂടൂത്ത് അധിഷ്ഠിത സ്മാർട്ട്‌ഫോൺ കണക്റ്റിവിറ്റി പിന്തുണയുള്ള നെഗറ്റീവ് ഇൻസ്ട്രുമെന്റ് ക്ലസ്റ്റർ, കോൾ അലേർട്ട്, റിയൽ-ടൈം മൈലേജ് ഇൻഡിക്കേറ്റർ തുടങ്ങിയവ ഈ ബൈക്കിന്റെ സവിശേഷതകളാണ്.
ടിവിഎസ് അപ്പാച്ചെ ആർടിആർ 160, ഹീറോ എക്‌സ്ട്രീം 160ആർ തുടങ്ങിയ ബൈക്കുകളുമായി ഈ ബൈക്ക് മത്സരിച്ചു. 5-സ്പീഡ് ഗിയർബോക്സുമായി ഘടിപ്പിച്ച 149.68 സിസി എയർ-കൂൾഡ് എഞ്ചിൻ (14.5PS/13.5Nm) ആയിരുന്നു ഇതിനുണ്ടായിരുന്നത്.
എഞ്ചിൻ പരിഷ്‍കരിച്ചിട്ടുണ്ടെങ്കിലും, 160 സിസി വിഭാഗത്തിലെ അതിന്റെ എതിരാളികൾ മികച്ച പ്രകടനവും പവർ-ടു-വെയ്റ്റ് അനുപാതവുമുള്ള ശക്തമായ പവർ ലിക്വിഡ്-കൂൾഡ് എഞ്ചിൻ വാഗ്ദാനം ചെയ്തു. ബജാജ് ഓട്ടോ ഇപ്പോൾ 160 സിസി സെഗ്‌മെന്റിലെ ബൈക്കുകളെ കൂടുതൽ പ്രോത്സാഹിപ്പിക്കുന്നു.
ഈ ബൈക്കുകളിൽ യുഎസ്ഡി ഫ്രണ്ട് ഫോർക്കുകൾ, ഡ്യുവൽ ചാനൽ എബിഎസ്, മറ്റ് നിരവധി പ്രീമിയം സവിശേഷതകൾ എന്നിവ നൽകിയിരിക്കുന്നു, ഇത് യുവ ഉപഭോക്താക്കളെ ആകർഷിക്കുന്നു. ബജാജ് ഓട്ടോ അടുത്തിടെ ഇന്ത്യൻ വിപണിക്കായി പൾസർ NS 400Z അപ്‌ഡേറ്റ് ചെയ്‍ത് അവതരിപ്പിച്ചിരുന്നു.
അതേസമയം 2025 മെയ് മാസത്തെ ബജാജിന്‍റെ വിൽപ്പന പരിശോധിച്ചാൽ, ക്ലാസിക് പൾസർ 150 ഉം പൾസർ N150 ഉം ഉൾപ്പെടെ 15,937 150 സിസി പൾസറുകൾ ഇന്ത്യയിൽ ബജാജ് വിറ്റു. 2024 മെയ് മാസത്തിൽ വിറ്റ 29,386 യൂണിറ്റുകളുമായി താരതമ്യപ്പെടുത്തുമ്പോൾ, വിൽപ്പന പ്രതിവർഷം പകുതിയായി കുറഞ്ഞു.
ഇതിനുപുറമെ, പൾസർ N160, പൾസർ NS160 തുടങ്ങിയവ ഉൾപ്പെടെ 22,372 യൂണിറ്റ് 160 സിസി പൾസറുകൾ ബജാജ് വിറ്റഴിച്ചു. അതായത് കമ്പനി പ്രതിവർഷം 24.88 ശതമാനം വളർച്ച രേഖപ്പെടുത്തി.
ഇത് 150 സിസി പൾസറുകളേക്കാൾ 160 സിസി പൾസറുകളിലേക്ക് വാങ്ങുന്നവർ കൂടുതൽ ചായ്‌വ് കാണിക്കുന്നു എന്നതിന് തെളിവാകുന്നു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
