മഹീന്ദ്ര സ്കോർപിയോയ്ക്ക് ഈ മാസം വമ്പൻ കിഴിവ്

മഹീന്ദ്ര ആൻഡ് മഹീന്ദ്ര തങ്ങളുടെ വാഹനനിരയിലെ ഒന്നാം നമ്പർ മോഡലായ സ്കോർപിയോ എസ്‌യുവിക്ക് ഈ മാസം മികച്ച കിഴിവ് വാഗ്‍ദാനം ചെയ്യുന്നു. ജൂലൈയിൽ നിങ്ങൾ ഈ കാർ വാങ്ങുകയാണെങ്കിൽ, നിങ്ങൾക്ക് 75,000 രൂപ വരെ ആനുകൂല്യം ലഭിക്കും.

ഇതിന്‍റെ ബേസ് എസ് ട്രിമിന് 75,000 രൂപ വരെ ആനുകൂല്യങ്ങൾ ലഭിക്കും. അതേസമയം സ്കോർപിയോ ക്ലാസിക്കിന്റെ ടോപ്പ്-സ്പെക്ക് എസ് 11 ട്രിമ്മിന് 50,000 രൂപ വരെ കിഴിവ് ലഭിക്കും.

ബ്ലാക്ക് എഡിഷന്‍റെ പുതിയതും കൂടുതൽ നൂതനവുമായ സ്കോർപിയോ എൻ ഇസഡ് 8, ഇസഡ് 8 എൽ വേരിയന്റുകൾക്ക് പരമാവധി 40,000 രൂപ വരെ കിഴിവ് ലഭിക്കും. അതേസമയം ഇസഡ് 4, ഇസഡ് 6 ട്രിം ലെവലുകൾക്ക് 30,000 രൂപ വരെ ലാഭിക്കാം.

സ്കോർപിയോ എൻ ന്റെ ബേസ് Z2 ട്രിമിൽ ഈ മാസം കിഴിവ് ഉണ്ടാകില്ല. സ്കോർപിയോ ക്ലാസിക്കിന്റെ പ്രാരംഭ എക്‌സ്‌ഷോറൂം വില 13.77 ലക്ഷം രൂപയും സ്കോർപിയോ എൻ ന്റെ വില 13.99 ലക്ഷം രൂപയുമാണ്.

മഹീന്ദ്ര സ്കോർപിയോ എന്നിന് ഥാർ, XUV700 എന്നിവയുടെ എഞ്ചിൻ ലഭിക്കും. 2.0 ലിറ്റർ ഫോർ സിലിണ്ടർ എംസ്റ്റാലിയൻ പെട്രോൾ, 2.2 ലിറ്റർ ഫോർ-പോട്ട് എംഹോക്ക് ഡീസൽ എഞ്ചിനുകൾ ഇതിൽ സജ്ജീകരിക്കും.

എഞ്ചിനുകൾ 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ട്രാൻസ്മിഷനുകളുമായി ജോടിയാക്കാം. സ്കോർപിയോ N ന്റെ ടോപ്പ്-എൻഡ് വേരിയന്റിനെ ഫോർ-വീൽ ഡ്രൈവ് (4WD) സിസ്റ്റവുമായി ജോടിയാക്കാം.

പുതിയ മാനദണ്ഡങ്ങൾക്കൊപ്പം ഗ്ലോബൽ NCAP യുടെ ക്രാഷ് ടെസ്റ്റിൽ ഇതിന് 5-സ്റ്റാർ സുരക്ഷാ റേറ്റിംഗും ലഭിച്ചു. സ്കോർപിയോ എന്നിൽ കമ്പനി പുത്തൻ സിംഗിൾ ഗ്രിൽ നൽകിയിട്ടുണ്ട്.

അതിൽ ക്രോം ഫിനിഷിംഗ് കാണാം. ഗ്രില്ലിൽ കമ്പനിയുടെ പുതിയ ലോഗോ കാണാം.

ഇത് മുൻവശത്തിന്റെ ഭംഗി വർദ്ധിപ്പിക്കുന്നു. പുതുതായി രൂപകൽപ്പന ചെയ്ത എൽഇഡി പ്രൊജക്ടർ ഹെഡ്‌ലാമ്പുകൾ, പുതിയ ഫോഗ് ലാമ്പ് ഹൗസിംഗുള്ള പുനർരൂപകൽപ്പന ചെയ്ത ഫ്രണ്ട് ബമ്പർ, C-ആകൃതിയിലുള്ള എൽഇഡി ഡേടൈം റണ്ണിംഗ് ലൈറ്റുകൾ, ഷഡ്ഭുജകോണൽ ലോവർ ഗ്രിൽ ഇൻസേർട്ടുള്ള വിശാലമായ സെൻട്രൽ എയർ ഇൻലെറ്റ് എന്നിവ ഇതിൽ ഉൾപ്പെടുന്നു.

പുതുതായി രൂപകൽപ്പന ചെയ്ത രണ്ട് നിറങ്ങളിലുള്ള വീലുകളാണ് എസ്‌യുവിയിലുള്ളത്. പുറംഭാഗത്തിന്റെ മറ്റ് ഭാഗങ്ങളെ കുറിച്ച് പറയുകയാണെങ്കിൽ, ക്രോം പൂശിയ ഡോർ ഹാൻഡിലുകൾ, ക്രോം പൂശിയ വിൻഡോ ലൈൻ, ശക്തമായ റൂഫ് റെയിലുകൾ, സൈഡ്-ഹിംഗ്ഡ് ഡോറുകളുള്ള ട്വീക്ക് ചെയ്ത ബോണറ്റ്, ബൂട്ട്‌ലിഡ്, പുതുക്കിയ പിൻ ബമ്പർ, പുതിയ ലംബ എൽഇഡി ടെയിൽ ലാമ്പുകൾ എന്നിവ ഇതിൽ ഉൾപ്പെടുന്നു.

സ്കോർപിയോ N-ന് എഞ്ചിൻ സ്റ്റാർട്ട്/സ്റ്റോപ്പ് ബട്ടൺ, ബട്ടൺ എന്നിവയുണ്ട്. പുതിയ ഡാഷ്‌ബോർഡും സെന്റർ കൺസോളും, പുതുക്കിയ സെമി-ഡിജിറ്റൽ ഇൻസ്ട്രുമെന്റേഷൻ, ഫ്ലാറ്റ്-ബോട്ടം സ്റ്റിയറിംഗ് വീൽ, റൂഫ്-മൗണ്ടഡ് സ്പീക്കറുകൾ, ലെതർ സീറ്റുകൾ, ക്രമീകരിക്കാവുന്ന ഹെഡ്‌റെസ്റ്റുകൾ, വയർലെസ് ചാർജിംഗ് പാഡ്, സെൻട്രലി മൗണ്ട് ചെയ്ത ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവ ഇതിൽ ഉൾപ്പെടും.

സുരക്ഷയ്ക്കായി, സൺറൂഫ്, 6 എയർബാഗുകൾ, റിവേഴ്‌സ് ക്യാമറ, ടയർ പ്രഷർ മോണിറ്ററിംഗ് സിസ്റ്റം, ക്രൂയിസ് കൺട്രോൾ, റിയർ ഡിസ്‌ക് ബ്രേക്ക് തുടങ്ങി നിരവധി സവിശേഷതകൾ ലഭ്യമാകും. ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്.

മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം.

അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.   …