സ്വന്തം ലേഖകൻ
കോട്ടയം: തൃശൂരില് കൈക്കൂലിക്കേസില് പിടിയിലായ ഗവണ്മെന്റ് മെഡിക്കല് കോളജിലെ അസ്ഥിരോഗ വിദഗ്ധന് ഡോക്ടര് ഷെറി ഐസക്കിന് സസ്പെന്ഷന്. മെഡിക്കല് വിദ്യാഭ്യാസ ഡയറക്ടറാണ് സസ്പെന്ഡ് ചെയ്തത്.
തൃശൂര് ഓട്ടുപ്പാറയില് സ്വകാര്യ പ്രാക്ടിസിനിടെയായിരുന്നു കൈക്കൂലി വാങ്ങിയത്. മെഡിക്കല് കോളജില് വീട്ടമ്മയ്ക്കു ശസ്ത്രക്രിയ നടത്താന് മൂവായിരം രൂപയാണ് ഭര്ത്താവിനോട് ആവശ്യപ്പെട്ടത്.
വിജിലന്സിന് പരാതി നല്കിയ ഭര്ത്താവിന്റെ മൊഴിപ്രകാരമായിരുന്നു നടപടി. ഡോക്ടറുടെ വീട്ടില് നിന്ന് പതിനഞ്ചു ലക്ഷം രൂപയും വിജിലന്സ് കണ്ടെടുത്തിരുന്നു. ഡോക്ടറുടെ സ്വത്തിനെക്കുറിച്ച് എന്ഫോഴ്സ്മെന്റ് ഡയറക്ടറേറ്റ് അന്വേഷിക്കും.
ഇതിനു പുറമെ, വിജിലന്സിന്റെ സ്പെഷല് സെല്ലും സമഗ്രമായി അന്വേഷിക്കും. തൃശൂര് വിജിലന്സ് കോടതി, ഡോക്ടറെ രണ്ടാഴ്ചത്തേയ്ക്കു റിമാന്ഡ് ചെയ്തിരുന്നു. എറണാകുളം സ്വദേശിയാണ് അസിസ്റ്റന്റ് പ്രഫസര് കൂടിയായ ഡോക്ടര് ഷെറി ഐസക്.
The post മെഡിക്കല് കോളജില് വീട്ടമ്മയ്ക്കു ശസ്ത്രക്രിയ നടത്താന് മൂവായിരം രൂപ ; കൈക്കൂലിക്കേസിൽ വിജിലൻസ് പിടിയിലായ ഡോക്ടർ ഷെറി ഐസക്കിന് സസ്പെൻഷൻ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]