സംസ്ഥാന സര്‍ക്കാര്‍ ജീവനക്കാര്‍ക്കുള്ള ക്ഷാമബത്തയില്‍ (ഡിഎ) നാല് ശതമാനം വര്‍ദ്ധനവ് പ്രഖ്യാപിച്ച് മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്. കേന്ദ്രം വാഗ്ദാനം ചെയ്യുന്ന ഡിഎയ്ക്ക് തുല്യമായാണ് സംസ്ഥാന സര്‍ക്കാരും നാല് ശതമാനം കൂട്ടിയത്. വെള്ളിയാഴ്ച വൈകുന്നേരം സെഹോര്‍ ജില്ലയിലെ ഗില്ലറില്‍ നടന്ന സമൂഹവിവാഹ ചടങ്ങില്‍ സംസാരിക്കുകയായിരുന്നു അദ്ദേഹം. ഈ വര്‍ഷം അവസാനത്തോടെ നടക്കാനിരിക്കുന്ന സംസ്ഥാന നിയമസഭാ തിരഞ്ഞെടുപ്പിന് മുന്നോടിയായുള്ള നീക്കമാണിത്.
ബിജെപി ഭരിക്കുന്ന സംസ്ഥാനത്ത് 230 അംഗ നിയമസഭയിലേക്കുള്ള തിരഞ്ഞെടുപ്പ് ഈ വര്‍ഷം നവംബറില്‍ നടക്കുമെന്നാണ് കരുതുന്നത്. 2018ല്‍ തൂക്കുസഭയായിരുന്നു തിരഞ്ഞെടുപ്പ് ഫലം. അന്ന് കോണ്‍ഗ്രസ് 114 സീറ്റുകള്‍ നേടി ഏറ്റവും വലിയ ഒറ്റക്കക്ഷിയായി മുതിര്‍ന്ന നേതാവ് കമല്‍നാഥിന്റെ നേതൃത്വത്തില്‍ കോണ്‍ഗ്രസ് സര്‍ക്കാര്‍ രൂപീകരിച്ചു. എന്നാല്‍ 2020 മാര്‍ച്ചില്‍ ജ്യോതിരാദിത്യ സിന്ധ്യയുടെ വിശ്വസ്തരായ എംഎല്‍എമാര്‍ കലാപമുണ്ടാക്കിയതിനെത്തുടര്‍ന്ന് ഭരണം നഷ്ടമായി. ഇത് ബിജെപിയുടെ ശിവരാജ് ചൗഹാന് മുഖ്യമന്ത്രിയായി തിരിച്ചുവരാന്‍ വഴിയൊരുക്കുകയായിരുന്നു.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
