കൊച്ചി: താരസംഘടനയായ അമ്മയുടെ ഇടപെടലില്‍ നടന്‍ ഷെയിന്‍ നിഗവും നിര്‍മാതാക്കളും തമ്മിലുള്ള പ്രശ്നം പരിഹരിച്ചു. അമ്മയുടെ ഉറപ്പ് നിര്‍മാതാക്കള്‍ അംഗീകരിച്ചതോടെയാണ് പ്രശ്‌ന പരിഹാരമായത്. നടന്‍ ശ്രീനാഥ് ഭാസിയുടെ അംഗത്വത്തില്‍ സംഘടന ശനിയാഴ്ച തീരുമാനമെടുക്കും.
നടനുമായി സഹകരിക്കില്ലെന്ന് ചലച്ചിത്ര സംഘടനകള്‍ പ്രഖ്യാപിച്ചതിന് പിന്നാലെയാണ് താരം ‘അമ്മ’യില്‍ അംഗത്വം നേടാന്‍ അപേക്ഷ നല്‍കിയത്. ആര്‍ട്ടിസ്റ്റുകള്‍ക്കും സാങ്കേതിക പ്രവര്‍ത്തകര്‍ക്കും നിര്‍മാതാക്കള്‍ക്കും നിരവധി ബുദ്ധിമുട്ടുകള്‍ ശ്രീനാഥ് ഭാസിയും ഷെയിന്‍ നിഗവും ഉണ്ടാക്കിയതിന്റെ ഭാഗമായിട്ടാണ് നടപടി എന്ന് നിര്‍മാതാക്കളുടെ സംഘടന അറിയിച്ചിരുന്നു. പരാതികളുടെ അടിസ്ഥാനത്തിലാണ് നടപടിയെന്നും സംഘടന വ്യക്തമാക്കിയിരുന്നു.
അതേസമയം ‘അമ്മ’യും നിര്‍മാതാക്കളുടെ സംഘനയും തമ്മിലുള്ള പുതിയ കരാര്‍ പ്രകാരം അംഗങ്ങളുടെ പ്രശ്‌നത്തില്‍ മാത്രമേ സംഘടന തലത്തില്‍ ഇടപെടല്‍ ഉണ്ടാകു. ഇതോടെ സംഘടനയില്‍ ചേരാന്‍ താരങ്ങളുടെ ഒഴുക്കാണ്. അംഗത്വത്തിനായി 25-ഓളം പേരാണ് അപേക്ഷ സമര്‍പ്പിച്ചത്. കല്യാണി പ്രിയദര്‍ശന്‍, ധ്യാന്‍ ശ്രീനിവാസന്‍ ഉള്‍പ്പടെ ഏഴ് പേര്‍ക്ക് പുതിയതായി അംഗത്വം നല്‍കി. ബാക്കിയുള്ളവരുടെ കാര്യത്തില്‍ ശനിയാഴ്ച തീരുമാനമെടുക്കും. ഞായറാഴ്ചയാണ് അമ്മയുടെ ജനറല്‍ബോഡി യോഗം. ഇതിന് മുന്നോടിയായി അംഗങ്ങളുടെ കാര്യത്തില്‍ തീരുമാനം ഉണ്ടാകും.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
