സ്വന്തം ലേഖിക
കോട്ടയം: വീട്ടമ്മയുടെ പേരിൽ വ്യാജ അക്കൗണ്ട് നിർമ്മിച്ച് അശ്ലീല ദൃശ്യങ്ങൾ പ്രചരിപ്പിച്ച കേസിൽ യുവാവിനെ പോലീസ് അറസ്റ്റ് ചെയ്തു.
ചങ്ങനാശ്ശേരി പുഴവാത് കോയിപ്പുറത്ത് വീട്ടിൽ കണ്ണൻ എസ് (26) നെയാണ് കോട്ടയം സൈബർ പോലീസ് അറസ്റ്റ് ചെയ്തത്.
ഇയാൾ വീട്ടമ്മയുടെ പേരിൽ ഫേസ്ബുക്കിൽ വ്യാജ അക്കൗണ്ട് നിർമിക്കുകയും പലരുമായി വീട്ടമ്മ എന്ന വ്യാജേനെ ചാറ്റ് ചെയ്ത് സൗഹൃദം സ്ഥാപിച്ച് വീട്ടമ്മയുടെ ഒറിജിനൽ ഫെയ്സ്ബുക്ക് അക്കൗണ്ടിൽ നിന്ന് ഫോട്ടോകൾ എടുത്ത് അത് മോർഫ് ചെയ്ത് അശ്ലീല ചിത്രങ്ങളാക്കി പലര്‍ക്കുമായി അയച്ചുകൊടുക്കുകയായിരുന്നു.
തുടർന്ന് വീട്ടമ്മ ജില്ലാ പോലീസ് മേധാവിക്ക് പരാതി നല്‍കുകയും ജില്ലാ പോലീസ് മേധാവി കെ. കാർത്തിക്കിന്റെ നേതൃത്വത്തിൽ സൈബർ പോലീസ് സംഘം നടത്തിയ ശാസ്ത്രീയമായ പരിശോധനയിൽ ഇയാളാണ് വീട്ടമ്മയുടെ വ്യാജ അക്കൗണ്ട് നിർമ്മിച്ച് ചിത്രങ്ങൾ പ്രചരിപ്പിച്ചതെന്ന് കണ്ടെത്തുകയും ഇയാളെ പിടികൂടുകയുമായിരുന്നു.
കോട്ടയം സൈബർ സ്റ്റേഷൻ എസ്.എച്ച്.ഓ ജഗദീഷ് വി.ആർ, എസ്.ഐ റിജുമോന്‍, എ.എസ്.ഐ സുരേഷ് കുമാർ, സി.പി.ഓ രാജേഷ് കുമാർ പി.കെ എന്നിവരും അന്വേഷണ സംഘത്തിൽ ഉണ്ടായിരുന്നു.
The post വീട്ടമ്മയുടെ പേരിൽ വ്യാജ അക്കൗണ്ട് നിർമ്മിച്ച് അശ്ലീല ദൃശ്യങ്ങൾ പ്രചരിപ്പിച്ചു; ചങ്ങനാശ്ശേരി സ്വദേശി പിടിയിൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
