ഓണ്‍ലൈനില്‍ ഷോപ്പിങ് നടത്താന്‍ ഇഷ്ടപ്പെടുന്നവരാണ് നമ്മള്‍. ഷോപ്പിങ് സൈറ്റുകളുടെ ആപ്പിലെ കാര്‍ട്ടില്‍ വാങ്ങാന്‍ ഉദ്ദേശിക്കുന്ന സാധാനങ്ങളുടെ ലിസ്റ്റ് നീളും. എന്നാല്‍ വെറുതെയങ്ങ് വാങ്ങാതെ വാങ്ങലുകള്‍ക്ക് മികച്ച ക്യാഷ്ബാക്ക് കൂടി കിട്ടുന്നതല്ലേ ഉചിതം. ഇത് നമ്മുടെ ചെലവ് കുറയ്ക്കാന്‍ സഹായിക്കും. ഓണ്‍ലൈന്‍ ഷോപ്പിങ്ങിന് കൂടുതല്‍ നേട്ടം നല്‍കുന്ന ക്രെഡിറ്റ് കാര്‍ഡുകളുണ്ട്. ഇതിനായി ക്യാഷ്ബാക്ക് അടക്കം വാഗ്ദാനം ചെയ്യുന്ന മുന്‍നിര ക്രെഡിറ്റ് കാര്‍ഡുകളെ പരിചയപ്പെടാം
ഫ്‌ളിപ്കാര്‍ട്ട് ആക്‌സിസ് ബാങ്ക് ക്രെഡിറ്റ് കാര്‍ഡ്
ഈ ക്രെഡിറ്റ് കാര്‍ഡ് ഫ്‌ളിപ്പ്കാര്‍ട്ടില്‍ നിന്നുള്ള അണ്‍ലിമിറ്റഡ് ക്യാഷ്ബാക്കും മറ്റും ഉള്‍പ്പെടെ 600 രൂപ മൂല്യമുള്ള സ്വാഗത ആനുകൂല്യങ്ങള്‍ വാഗ്ദാനം ചെയ്യുന്നു. കാര്‍ഡ് എടുക്കുന്നതിനുള്ള ഫീസ് 500 രൂപയാണ് ഇതാണ് വാര്‍ഷിക ഫീസും. ഫ്‌ളിപ്പ്കാര്‍ട്ടിന്റെയും ക്ലിയര്‍ട്രിപ്പിന്റെയും ചെലവുകള്‍ക്ക് 5 ശതമാനം ക്യാഷ് ബാക്കും വാഗ്ദാനം ചെയ്യുന്നു.
സിംപിളി ക്ലിക്ക് എസ്ബിഐ കാര്‍ഡ്
ഈ ക്രെഡിറ്റ് കാര്‍ഡ് ഓണ്‍ലൈന്‍ ചെലവുകള്‍ക്ക് 5X റിവാര്‍ഡ് പോയിന്റുകള്‍ വാഗ്ദാനം ചെയ്യുന്നു. എക്സ്‌ക്ലൂസീവ് പങ്കാളികളുമായുള്ള ഓണ്‍ലൈന്‍ ചെലവുകള്‍ക്ക് 10X റിവാര്‍ഡ് പോയിന്റുകള്‍ ഉണ്ട്. മറ്റെല്ലാ ഓണ്‍ലൈന്‍ ചെലവുകള്‍ക്കും നിങ്ങള്‍ക്ക് 5X റിവാര്‍ഡ് പോയിന്റുകള്‍ നേടാനാകും.
കാര്‍ഡ് എടുക്കുമ്പോള്‍ 500 രൂപ വിലയുള്ള ആമസോണ്‍ ഗിഫ്റ്റ് കാര്‍ഡ് ഉണ്ട്. പ്രതിവര്‍ഷം ഒരു ലക്ഷം രൂപയും 2 ലക്ഷം രൂപയും ഓണ്‍ലൈന്‍ ചെലവുണ്ടെങ്കിൽ 2,000 രൂപയുടെ ഇ-വൗച്ചറുകള്‍ ലഭിക്കും.
എച്ച്ഡിഎഫ്‌സി ബാങ്ക് മണിബാക്ക്+ ക്രെഡിറ്റ് കാര്‍ഡ്
BigBasket, Amazon, Flipkart, Reliance Smart SuperStore & Swiggy എന്നിവയില്‍ നിങ്ങള്‍ ഷോപ്പുചെയ്യുമ്പോള്‍ ഈ ക്രെഡിറ്റ് കാര്‍ഡ് 10X ക്യാഷ് പോയിന്റുകള്‍ വാഗ്ദാനം ചെയ്യുന്നു. വ്യാപാരി മേഖലയിലെ ഇഎംഐ ഇടപാടുകളില്‍ നിങ്ങള്‍ക്ക് 5X ക്യാഷ് പോയിന്റുകള്‍ ലഭിക്കും. ഇന്ധനം, വാലറ്റ് ലോഡുകള്‍, പ്രീപെയ്ഡ് കാര്‍ഡ് ലോഡുകള്‍, വൗച്ചര്‍ വാങ്ങലുകള്‍ എന്നിവ ഒഴികെ മറ്റ് ചെലവുകള്‍ക്കായി ഓരോ 150 രൂപ ചെലവഴിക്കുന്നതിനും കാര്‍ഡ് ഉടമകള്‍ക്ക് 2 ക്യാഷ് പോയിന്റുകള്‍ ലഭിക്കും.
ഐസിഐസിഐ ബാങ്ക് പ്ലാറ്റിനം ക്രെഡിറ്റ് കാര്‍ഡ്
ഈ ക്രെഡിറ്റ് കാര്‍ഡ് ഇന്ധനം ഒഴികെ ചെലവഴിക്കുന്ന 100 രൂപയ്ക്ക് രണ്ട് റിവാര്‍ഡ് പോയിന്റുകള്‍ വാഗ്ദാനം ചെയ്യുന്നു. ജോയിനിങ് ഫീസും വാര്‍ഷിക ഫീസും ഇല്ല.
കോട്ടക് മഹീന്ദ്ര ബാങ്ക് ക്രെഡിറ്റ് കാർഡ്
ഓണ്‍ലൈനായി ചെലവഴിക്കുന്ന ഓരോ 100 രൂപയ്ക്കും രണ്ട് റിവാര്‍ഡ് പോയിന്റുകള്‍ നേടാന്‍ ഈ ക്രെഡിറ്റ് കാര്‍ഡ് ഉപയോക്താക്കളെ സഹായിക്കും. ഓരോ വര്‍ഷവും ചെലവഴിക്കുന്ന തുക 75,000 രൂപ കടക്കുമ്പോള്‍ കാര്‍ഡ് ഉടമകള്‍ക്ക് 750 രൂപ ക്യാഷ്ബാക്ക് ലഭിക്കും. മുന്‍ വാര്‍ഷിക വര്‍ഷത്തില്‍ 50,000 രൂപയുടെ റീട്ടെയില്‍ ചെലവിടലിന് വാര്‍ഷിക ഫീസ് ഇളവ് ഉണ്ട്.
കോട്ടക്കിന്റെ മോജോ പ്ലാറ്റിനം ക്രെഡിറ്റ് കാര്‍ഡ്
ഈ ക്രെഡിറ്റ് കാര്‍ഡ് ഓരോ 100 രൂപയുടെ ഓണ്‍ലൈന്‍ ചെലവിടലുകള്‍ക്ക് 2.5 മോജോ പോയിന്റുകള്‍ വാഗ്ദാനം ചെയ്യുന്നു. 100 രൂപയുടെ മറ്റ് ചെലവുകള്‍ക്ക് ഒരു മോജോ പോയിന്റും ലഭിക്കും. ഓരോ പാദത്തിലും 75,000 രൂപ ചെലവഴിച്ച് 2500 മോജോ പോയിന്റുകള്‍ നേടാന്‍ കാര്‍ഡ് ഉടമകള്‍ക്ക് അര്‍ഹതയുണ്ട്.
ആര്‍ബിഎല്‍ ബാങ്ക് മന്ത്‌ലി ട്രീറ്റ്‌സ് ക്രെഡിറ്റ് കാര്‍ഡ്
ഈ ക്രെഡിറ്റ് കാര്‍ഡ് ഹോള്‍ഡര്‍മാര്‍ക്ക് ഓണ്‍ലൈന്‍ ചെലവുകള്‍ക്ക് പരിധിയില്ലാത്ത 5X റിവാര്‍ഡ് പോയിന്റുകള്‍ നേടാനാകും. Zomato, BookMyShow, Uber, Myntra എന്നിവയില്‍ 10 ശതമാനം കിഴിവും വാഗ്ദാനം ചെയ്യുന്നു. ഒരാള്‍ക്ക് വര്‍ഷത്തില്‍ 6,000 രൂപയുടെ വൗച്ചറുകള്‍ ക്ലെയിം ചെയ്യാം.
