കണ്ണൂര്‍: കണ്ണൂര്‍ കൂത്തുപറമ്പ് മെരുവമ്പായിയില്‍ ടവേര കാര്‍ കലുങ്കില്‍ ഇടിച്ച് മറിഞ്ഞ് രണ്ട് പേര്‍ മരിച്ചു. ഉരുവച്ചാല്‍ കയനി സ്വദേശികളായ അരവിന്ദാക്ഷന്‍ (65), ഷാരോണ്‍ (8) എന്നിവരാണ് മരിച്ചത്. അപകടത്തില്‍ ഏഴ് പേര്‍ക്ക് പരിക്കേറ്റു. കോഴിക്കോട് എയര്‍പോര്‍ട്ടില്‍ നിന്നും ഉരുവച്ചാല്‍ കയനിയിലേക്ക് പോകുന്ന കുടുംബം സഞ്ചരിച്ച വാഹനമാണ് അപകടത്തില്‍പ്പെട്ടത്.
അതേസമയം, കോഴിക്കോട് താമരശ്ശേരി തച്ചംപൊയിലില്‍ നിയന്ത്രണം വിട്ട പിക്കപ്പ് വാന്‍ കടയിലേക്ക് ഇടിച്ചുകയറി. നാല് സ്‌കൂട്ടറുകളിലും കാറിലും ഇടിച്ചായിരുന്നു പിക്കപ്പ് കടയിലേക്ക് ഇടിച്ചുകയറിയത്. റോഡരികില്‍ നില്‍ക്കുകയായിരുന്ന ഒരാള്‍ക്ക് പരിക്കേറ്റു. തച്ചംപൊയില്‍ നെരോംപാറമ്മല്‍ വിജയനാണ് പരിക്കേറ്റത്. ഇയാളുടെ നില ഗുരുതരമല്ല. ബാലുശ്ശേരി ഭാഗത്ത് നിന്നും വന്ന പിക്കപ്പാണ് നിയന്ത്രണം വിട്ട് അപകടത്തില്‍പ്പെട്ടത്.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
