ദുബായ്: യുഎഇയിലെ വിവിധയിടങ്ങളിൽ കഴിഞ്ഞ ദിവസം നേരിയ തോതിൽ മഴ ലഭിച്ചിരുന്നു. ഇന്നും നാളയും യുഎഇയിലെ വിവിധ എമിറേറ്റിൽ മഴ യുണ്ടാവുമെന്ന് അറിയിച്ചിരിക്കുകയാണ് കാലാവസ്ഥ വകുപ്പ്. ചില തീരദേശ, വടക്കൻ, കിഴക്കൻ പ്രദേശങ്ങളെ ഭാഗികമായി മേഘാവൃതമായ അന്തരീക്ഷം മൂടുമെന്നും ഇന്ന് മഴ ലഭിക്കാനുള്ള സാദ്ധ്യതയുണ്ടെന്നുമാണ് നാഷണൽ സെന്റർ ഓഫ് മെറ്റീരിയോളജി പറയുന്നത്.
ഫെബ്രുവരി 2 ഞായറാഴ്ച ചില പടിഞ്ഞാറൻ പ്രദേശങ്ങളിൽ മൂടൽമഞ്ഞ് രൂപപ്പെടാൻ സാധ്യതയുള്ളതിനാൽ രാത്രിയിൽ ഈർപ്പമുള്ള അവസ്ഥ പ്രതീക്ഷിക്കുന്നു. തീരപ്രദേശങ്ങളിലെയും ദ്വീപ് പ്രദേശങ്ങളിലെയും ഉയർന്ന താപനില 22 മുതൽ 26 ഡിഗ്രി സെൽഷ്യസിനും താഴ്ന്ന താപനില 13 മുതൽ 18 ഡിഗ്രി സെൽഷ്യസിനും ഇടയിലായിരിക്കുമെന്ന് പ്രതീക്ഷിക്കുന്നു. തീരപ്രദേശങ്ങളിലും ദ്വീപ് മേഖലകളിലും മണിക്കൂറിൽ 35 കി.മീ വേഗതയിലും പർവതപ്രദേശങ്ങളിൽ മണിക്കൂറിൽ 40 കി.മീ വേഗതയിലും കാറ്റ് വീശാൻ സാദ്ധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
