സ്വന്തം ലേഖിക
കോട്ടയം: കാപ്പാ ചുമത്തി ജില്ലയില്‍ നിന്നും നാടുകടത്തി.
ആനിക്കാട് പേണ്ടാനത്ത് വീട്ടിൽ ശേഖർ മകൻ സന്ദീപ് ശേഖർ (28)നെയാണ്‌ കാപ്പാ നിയമപ്രകാരം കോട്ടയം ജില്ലയിൽ നിന്നും ഒരു വര്‍ഷക്കാലത്തേക്ക് നാടുകടത്തിയത്.
ജില്ലാ പോലീസ് മേധാവി കെ.കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി. ഇയാൾക്ക് പള്ളിക്കത്തോട്, തൃപ്പൂണിത്തുറ ഹിൽപാലസ് എന്നീ സ്റ്റേഷനുകളിൽ പിടിച്ചുപറി, മോഷണം, തുടങ്ങിയ കേസുകളും കൂടാതെ പാമ്പാടി എക്സൈസിൽ നിരവധി മയക്കുമരുന്ന് കേസുകളും നിലവിലുണ്ട്.
ജനങ്ങളുടെ സ്വൈര്യ ജീവതത്തിന് തടസ്സം സൃഷ്ടിക്കുന്ന കുറ്റവാളികൾക്കെതിരെ ശക്തമായ നിയമനടപടിയാണ് ജില്ലാ പോലീസ് സ്വീകരിച്ചുവരുന്നത്. തുടർന്നും ഇത്തരക്കാർക്കെതിരെ കാപ്പാ പോലുള്ള ശക്തമായ നിയമനടപടി സ്വീകരിക്കുമെന്നും ജില്ലാ പോലീസ് മേധാവി പറഞ്ഞു.
The post നിരവധി ക്രിമിനൽ കേസുകളിൽ പ്രതി; ജനങ്ങളുടെ സ്വൈര്യ ജീവതത്തിന് തടസ്സം; ആനിക്കാട് സ്വദേശിയെ കാപ്പാ ചുമത്തി കോട്ടയം ജില്ലയില്‍ നിന്നും നാടുകടത്തി appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
