കയ്യെത്തും ദൂരത്തല്ല പ്ലേഓഫ് ബെർത്ത്, നന്നായി കളിച്ചാൽ അസാധ്യവുമല്ല; ബ്ലാസ്റ്റേഴ്സ് ഇന്ന് ഒഡീഷ എഫ്സിക്കെതിരെ

കൊച്ചി ∙ കയ്യെത്തും ദൂരത്തല്ല പ്ലേഓഫ് ബെർത്ത്! എങ്കിലും നന്നായൊന്നു മുന്നേറിയാൽ അസാധ്യവുമല്ല! കലൂർ നെഹ്റു സ്റ്റേഡിയത്തിൽ ഇന്നു രാത്രി 7.30ന് ഒഡീഷ എഫ്സിയെ നേരിടുന്ന കേരള ബ്ലാസ്റ്റേഴ്സിനു പ്ലേഓഫിലെത്തണമെങ്കിൽ ഇനി വേണ്ടതു ജയങ്ങൾ മാത്രമുള്ളൊരു കുതിപ്പ്. പോയിന്റ് പട്ടികയിൽ 9–ാം സ്ഥാനത്താണു ബ്ലാസ്റ്റേഴ്സ്. ഒഡീഷ ഏഴാമതും. 

കഴിഞ്ഞ മത്സരത്തിൽ 9 പേരായി ചുരുങ്ങിയിട്ടും പഞ്ചാബ് എഫ്സിയെ തോൽപിച്ച ത്രസിപ്പിക്കുന്ന ഓർമകളാണ് ഇന്ന് ബ്ലാസ്റ്റേഴ്സിന്റെ ആത്മവിശ്വാസം. മത്സരം സ്പോർട്സ് 18 ചാനലിലും ജിയോ സിനിമ ആപ്പിലും ലൈവ്. 

 സീസണിൽ ടീമിന്റെ ദൗർബല്യമായിരുന്ന പ്രതിരോധപ്പിഴവുകൾ പരിഹരിക്കുന്നതിൽ ഒരു പരിധി വരെ ടീം വിജയിച്ചുവെന്ന ആത്മവിശ്വാസത്തിലാണ് കോച്ച് ടി.ജി.പുരുഷോത്തമൻ. തോൽവികളുടെ സ്റ്റാറെ യുഗത്തിനു ശേഷം പുരുഷോത്തമനും സഹപരിശീലകൻ തോമാസ് കോർസും ചുമതല ഏറ്റെടുത്ത ശേഷം കളിച്ച മൂന്നിൽ രണ്ടു മത്സരങ്ങളിലും ബ്ലാസ്റ്റേഴ്സ് ജയിച്ചു.

പരുക്കിൽ നിന്നു മുക്തരായ സൂപ്പർ സ്ട്രൈക്കർ ഹെസൂസ് ഹിമെനെയും മിഡ്ഫീൽഡർ വിബിൻ മോഹനനും ഇന്നു തിരിച്ചെത്തും. കഴിഞ്ഞ കളിയിൽ ചുവപ്പു കാർഡ് കണ്ട സെന്റർ ബാക്ക് മിലോസ് ഡ്രിൻസിച് പുറത്തിരിക്കും. ചുവപ്പു കാർഡിൽ ഇളവു കിട്ടിയ മിഡ്ഫീൽഡർ ഐബൻ ഡോലിങ് കളിക്കും. 

English Summary:
Kerala Blasters FC vs Odisha FC, ISL 2024-25 Match – Live Updates

TAGS

Sports

Kerala Blasters FC

Odisha FC

Indian Super League(ISL)

Ernakulam News

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…