ന്യൂഡല്‍ഹി: ന്യൂഡല്‍ഹിയില്‍ ലിവ് ഇന്‍ പങ്കാളിയെ കൊലപ്പെടുത്തി യുവാവ്. സഹോദരിക്കൊപ്പം ചേര്‍ന്നാണ് റോഹിന നാസ് എന്ന 25കാരിയെ യുവാവ് കൊലപ്പെടുത്തിയത്. സഹോദരിയെ പോലീസ് അറസ്റ്റ് ചെയ്തു. യുവാവ് ഒളിവിലാണ്. ഡല്‍ഹി തെലിവാരയിലാണ് സംഭവം. ഈ മാസം 12ന് കരവല്‍ നഗറിലെ കൃഷ്ണ പബ്ലിക് സ്‌കൂളിനടുത്തുനിന്ന് ഒരു യുവതിയുടെ മൃതദേഹം ലഭിച്ചെന്ന് പോലീസിന് അവസരം ലഭിച്ചതിനു പിന്നാലെ നടത്തിയ അന്വേഷണമാണ് നിഷ്ഠൂരമായ കൊലപാതകത്തിന്റെ ചുരുളഴിച്ചത്.
ഉത്തരാഖണ്ഡ് സ്വദേശിനിയാണ് മാഹി എന്നറിയപ്പെടുന്ന റോഹിന നാസ്. മൃതദേഹം കണ്ടെത്തിയതിനു പിന്നാലെ പോലീസ് അന്വേഷണം ആരംഭിച്ചു. സമീപത്തെ സിസിടിവി ദൃശ്യങ്ങള്‍ പരിശോധിച്ചപ്പോള്‍ രണ്ട് പുരുഷന്മാര്‍ ബൈക്കിനു നടുവില്‍ ഒരു സ്ത്രീയെ ഇരുത്തി സംശയാസ്പദമായ രീതിയില്‍ കറങ്ങിനടക്കുന്നത് പോലീസിന്റെ ശ്രദ്ധയില്‍ പെട്ടു. ദൃശ്യങ്ങളില്‍ ഒരാള്‍ ഒരു സ്ത്രീയുടെ മൃതദേഹം തോളില്‍ ചുമന്നുനടക്കുന്നതും ഒരു സ്ത്രീ ഇയാളെ പിന്തുടരുന്നതും കാണാമായിരുന്നു.
പിന്നീട് മൃതദേഹം ചുമന്നുനടന്നയാളെയും പിന്തുടര്‍ന്ന സ്ത്രീയെയും തിരിച്ചറിഞ്ഞു. വിനീത് പവാര്‍, സഹോദരി പരുള്‍ ചൗധരി എന്നിവരെ തിരിചറിഞ്ഞ പോലീസ് പരുളിനെ കാന്തി നഗറില്‍ നിന്ന് പിടികൂടി.
നാല് വര്‍ഷം മുന്‍പ് റോഹിനയും വിനീതും ഒളിച്ചോടിയതാണ്. ശേഷം ഇവര്‍ ഒരുമിച്ച് താമസിക്കുകയായിരുന്നു. 2017ല്‍ വിനീതും പിതാവ് വിനയ് പവാറും ഒരു കൊലപാതകക്കേസില്‍ അറസ്റ്റിലാവുകയും 2019 ഒക്ടോബര്‍ 25ന് ഇരുവരെയും കോടതി ജീവപര്യന്തം ശിക്ഷിക്കുകയും ചെയ്തു. വിനീത് ജയിലിലായിരുന്നപ്പോള്‍ പരുളിനൊപ്പമാണ് നാസ് കഴിഞ്ഞിരുന്നത്. 2022 നവംബര്‍ 26ന് ജാമ്യം ലഭിച്ച് വിനീത് പുറത്തുവന്നപ്പോള്‍ നാസ് വിവാഹത്തിനു നിര്‍ബന്ധിച്ചു. എന്നാല്‍, നാസ് മറ്റൊരു മതത്തില്‍ പെട്ട കുട്ടി ആയിരുന്നതിനാല്‍ വിനീതിന്റെ വീട്ടുകാര്‍ വിവാഹത്തിനു സമ്മതിച്ചില്ല. എന്നാല്‍, നാസ് വിവാഹത്തിനു നിര്‍ബന്ധിച്ചുകൊണ്ടിരുന്നു. ഇതോടെ നാസിനെ വിറ്റുകളയാമെന്ന് വിനീതും സഹോദരിയും തീരുമാനിച്ചു. എന്നാല്‍, ഈ പദ്ധതി വിജയിച്ചില്ല. തുടര്‍ന്ന് നാസിനെ കൊലപ്പെടുത്താന്‍ ഇരുവരും ചേര്‍ന്ന് തീരുമാനിക്കുകയായിരുന്നു.
വിവാഹത്തെച്ചൊല്ലിയുള്ള ഒരു വഴക്കിനിടെ വിനീത് നാസിന്റെ കഴുത്ത് ഞെരിച്ച് കൊലപ്പെടുത്തി മൃതദേഹം മറച്ചു. തുടര്‍ന്ന് തന്റെ ഒരു സുഹൃത്തിനെ വിനീത് വിളിച്ചുവരുത്തി. തുടര്‍ന്നാണ് ഇവര്‍ ചേര്‍ന്ന് മൃതദേഹം 12 കിലോമീറ്റര്‍ അകലെ ഉപേക്ഷിച്ചത്.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
