തൃശൂര്‍ : അരിക്കൊമ്പനെ എങ്ങോട്ട് മാറ്റണമെന്ന് സര്‍ക്കാര്‍ ഒരാഴ്ചക്കുള്ളില്‍ തീരുമാനിക്കണമെന്ന് ഹൈക്കോടതി അറിയിച്ചതിന് പിന്നാലെ പ്രതിഷേധം അറിയിച്ച് വാഴചാല്‍ ഊര്. ഏത് കോടതി പറഞ്ഞാലും അരികൊമ്പനെ പറമ്പികുളത്തേക്ക് മാറ്റാന്‍ അനുവദിക്കില്ലെന്ന് വാഴചാല്‍ ഊര് മൂപ്പത്തി ഗീത പറഞ്ഞു. ആനയെ കൊണ്ട് വരാന്‍ നീക്കമുണ്ടായാല്‍ കുടില്‍ കെട്ടി സമരം നടത്തുമെന്നും ഇവര്‍ പറഞ്ഞു. കഴിഞ്ഞ ദിവസം സമരം ചെയ്തതിന്റെ പേരില്‍ വനം വകുപ്പ് ഉദ്യോഗസ്ഥരില്‍ നിന്ന് ഭീഷണി ഉണ്ടെന്ന് വന സംരക്ഷണ സേന ജീവനക്കാരി ഇന്ദിരയും പറഞ്ഞു.
അതേസമയം അരിക്കൊമ്പനെ പറമ്പിക്കുളത്തേയ്ക്ക് കൊണ്ടുവരണമെന്ന് സര്‍ക്കാര്‍ പറയില്ലെന്നാണ് പ്രതീക്ഷയെന്ന് കെ ബാബു എംഎല്‍എയും പ്രതികരിച്ചു. സര്‍ക്കാര്‍ മറ്റൊരു സ്ഥലം കണ്ടെത്തുമെന്നാണ് പ്രതീക്ഷിക്കുന്നത്. അരിക്കൊമ്പന്‍ ഉടന്‍ പറമ്പിക്കുളത്തേക്ക് വരില്ലെന്നത് ആശ്വാസമാണ്. ജനകീയ സമരങ്ങള്‍ താത്കാലികമായി നിര്‍ത്തിവെക്കമെന്നും അദ്ദേഹം ആവശ്യപ്പെട്ടു.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
