‘കാഞ്ചന 3’യുടെ വിജയത്തിന് ശേഷം രാഘവ ലോറന്‍സ് നായകനാകുന്ന ചിത്രം തിയേറ്ററുകളില്‍ എത്തുന്നത് മൂന്ന് വര്‍ഷങ്ങള്‍ക്ക് ശേഷമാണ്. ഏപ്രില്‍ 14ന് റിലീസിനെത്തുന്ന ‘രുദ്രന്‍’ ആണ് പുതിയ സിനിമ.
പ്രൊമോഷന്‍ പരിപാടികളില്‍ സജീവമായ നടന്‍ തമിഴിലെ തന്റെ ഹിറ്റ് സീരീസിന് നാലാം ഭാഗം ഒരുങ്ങുന്നതായി അറിയിച്ചു. ‘കാഞ്ചന 4’ന്റെ തിരക്കഥ പൂര്‍ത്തിയായി വരികയാണെന്നാണ് അദ്ദേഹം പറഞ്ഞത്.
സംവിധായകന്‍, നടന്‍ എന്നീ നിലകളില്‍ ലോറന്‍സിന്റെ കരിയറില്‍ ഏറ്റവും നേട്ടമുണ്ടാക്കിയ ചിത്രം ‘കാഞ്ചന’ സിരീസ് ആയിരുന്നു. 2011ലെ തമിഴ് ഹൊറര്‍ കോമഡി ചിത്രമായ ‘കാഞ്ചന’യുടെ സാമ്പത്തിക വിജയം രണ്ടും മൂന്നും ഭാഗങ്ങള്‍ക്ക് കാരണമായി.
മൂന്ന് ചിത്രങ്ങളുടെയും രചനയും സംവിധാനവും ചിത്രത്തിലെ നായക നടനും രാഘവ ലോറന്‍സ് ആണ്. മൂന്ന് ഭാഗങ്ങളും നൂറ് കോടി പിന്നിട്ട് കളക്ഷനും സ്വന്തമാക്കിയിരുന്നു.’കാഞ്ചന’യുമായി സമാനതയുള്ള ‘ദുര്‍ഗ്ഗ’ എന്ന ചിത്രം 2021ല്‍ പ്രഖ്യാപിച്ചിരുന്നെങ്കിലും പിന്നീട് മുന്നോട്ട് പോയില്ല.
നര്‍മ്മത്തിനും ആക്ഷനും സെന്റിമെന്റ്‌സിനും ഒരുപോലെ പ്രാധാന്യമുള്ള ചിത്രമാകും ദുര്‍ഗ്ഗ എന്നായിരുന്നു വിവരം. ചിത്രത്തിന്റെ ഫസ്റ്റ് ലുക്കും ലോറന്‍സ് പങ്കുവെച്ചിരുന്നു.
The post ‘കാഞ്ചന 4’ ന്റെ തിരക്കഥ പൂര്‍ത്തിയാകുന്നതായി രാഘവ ലോറന്‍സ് appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
