കല്‍പ്പറ്റ: കോണ്‍ഗ്രസ് നേതാക്കളായ രാഹുല്‍ ഗാന്ധിയും പ്രിയങ്ക ഗാന്ധിയും കല്‍പറ്റയില്‍ ഉജ്ജ്വല സ്വീകരണം. കണ്ണൂര്‍ വിമാനത്താവളത്തില്‍ നിന്നും ഹെലികോപ്ടറിലാണ് ഇരുവരും കല്‍പറ്റയിലെത്തിയത്.
അയോഗ്യത നടപടി നേരിട്ടതിന് ശേഷം ആദ്യമായാണ് രാഹുല്‍ ഗാന്ധി മണ്ഡലത്തിലെ വോട്ടര്‍മാരെ കാണാന്‍ എത്തിയത്. കല്‍പറ്റ എസ്‌കെഎംജെ ഹൈസ്‌കൂള്‍ പരിസരത്ത് നിന്നാരംഭിച്ച റോഡ് ഷോയില്‍ ആയിരങ്ങളാണ് അണിനിരന്നത്.
റോഡ് ഷോയ്ക്കു ശേഷം സാംസ്‌കാരിക ജനാധിപത്യ പ്രതിരോധം എന്ന പേരില്‍ പരിപാടിയും കോണ്‍ഗ്രസ് സംഘടിപ്പിച്ചിട്ടുണ്ട്. പ്രമുഖ സാംസ്‌കാരിക പ്രവര്‍ത്തകരും ചടങ്ങില്‍ സംബന്ധിക്കുന്നു.
തുടര്‍ന്ന് നടക്കുന്ന സമ്മേളനത്തില്‍ രാഹുല്‍ ഗാന്ധിയും പ്രിയങ്ക ഗാന്ധിയും ഉള്‍പ്പെടെയുള്ള നേതാക്കള്‍ പ്രസംഗിക്കും. രാഹുല്‍ ഗാന്ധിയോടൊപ്പം സംഘടനാ ചുമതലയുള്ള എഐസിസി ജനറല്‍ സെക്രട്ടറി കെസി വേണുഗോപാല്‍ എംപി, കെപിസിസി പ്രസിഡന്റ് കെ സുധാകരന്‍, മുസ്ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങള്‍, എഐസിസി ജനറല്‍ സെക്രട്ടറി താരിഖ് അന്‍വര്‍, പ്രതിപക്ഷനേതാവ് വിഡി സതീശന്‍, പികെ കുഞ്ഞാലിക്കുട്ടി, തുടങ്ങിയ നേതാക്കളും റോഡ് ഷോയില്‍ പങ്കെടുത്തു.
The post രാഹുലിനും പ്രിയങ്കക്കും വയനാട്ടില്‍ ഉജ്ജ്വല സ്വീകരണം; റോഡ് ഷോയില്‍ പതിനായിരങ്ങള്‍ appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
