അം അഃ : ദിലീഷ് പോത്തനും ജാഫർ ഇടുക്കിയും പ്രധാന വേഷത്തില്‍, ചിത്രത്തിന്‍റെ ഫസ്റ്റ്ലുക്ക് പുറത്ത്

കൊച്ചി: തോമസ് സെബാസ്റ്റ്യൻ സംവിധാനം ചെയ്യുന്ന പുതിയ ചിത്രത്തിന്‍റെ ടൈറ്റിൽ പ്രശസ്ത താരങ്ങളായ മഞ്ജു വാര്യർ, ബേസിൽ ജോസഫ് എന്നിവരുടെ ഒഫീഷ്യൽ പേജിലൂടെ ‘ പ്രകാശനം ചെയ്തിരിക്കുന്നു. അം  അഃ എന്നാണ് ടൈറ്റിൽ . പേരു നൽകുന്ന  കൗതുകം പോലെ തന്നെ ചിത്രവും ഏറെ കൗതുകം നിറഞ്ഞതാണെന്നാണ് അണിയറക്കാരുടെ അവകാശവാദം.  

ഈ കൗതുകം പ്രേക്ഷകർ ഏറെ സ്വീകരിച്ചിരിക്കുന്നതായിട്ടാണ് സോഷ്യൽ മീഡിയായിലെ പ്രതികരണങ്ങളിലൂടെ വ്യക്തമാകുന്നത്. കാപ്പി പ്രൊഡക്ഷൻസ് നിർമ്മിക്കുന്ന ഈ ചിത്രം  തോമസ് സെബാസ്റ്റ്യന്‍റെ നാലാമത് ചിത്രമാണിത്.  മമ്മൂട്ടി നായകനായ മായാ ബസാർ , കുഞ്ചാക്കോബോബൻ നായകനായ ജമ്നാ പ്യാരി, ധ്യാൻ – അജു കൂട്ടുകെട്ടിലെ ഗൂഢാലോചന എന്നീ ചിത്രങ്ങൾക്കു ശേഷം  തോമസ് സെബാസ്റ്റ്യൻ  ഒരുക്കുന്ന ചിത്രമാണിത്.

തികഞ്ഞ ഫാമിലി ഡ്രാമയായി ചിത്രീകരിക്കുന്ന ഈ ചിത്രത്തിൽ ദിലീഷ് പോത്തൻ, ജാഫർ ഇടുക്കി, അലൻസിയർ, ടി.ജി. രവി,രഘുനാഥ് പലേരി, ജയരാജ് കോഴിക്കോട്, നവാസ് വള്ളിക്കുന്ന്
തമിഴ് താരം ദേവദർശിനി മീരാവാസുദേവ്, ശ്രുതി ജയൻ മാലാ പാർവ്വതി, മുത്തുമണി എന്നിവർ പ്രധാന വേഷങ്ങളിലെത്തുന്നു.

തിരക്കഥ – കവി പ്രസാദ് ഗോപിനാഥ്, സംഗീതം – ഗോപി സുന്ദർ, ഛായാഗ്രഹണം – അനീഷ് ലാൽ.
എഡിറ്റിംഗ് – ബിജിത് ബാല, കലാ സംവിധാനം – പ്രശാന്ത് മാധവ്, മേക്കപ്പ് – രഞ്ജിത്ത് അമ്പാടി, കോസ്റ്റ്യും ഡിസൈൻ – കുമാർ എടപ്പാൾ, സ്റ്റിൽസ്- സിനറ്റ് സേവ്യർ

ചീഫ് അസ്സോസ്സിയേറ്റ് ഡയറയക്ടർ – ഗിരീഷ് മാരാർ, അസ്സോസ്സിയേറ്റ് ഡയറക്ടർ ഷാമിലിൻ ജേക്കബ്ബ്.
നിർമ്മാണ നിർവ്വഹണം – ഗിരീഷ് അത്തോളി തൊടുപുഴയിലും പരിസരങ്ങളിലുമായി ചിത്രീകരണം പൂർത്തിയാക്കിയ ഈ ചിത്രത്തിന്‍റെ  പോസ്റ്റ് പ്രൊഡക്ഷന്‍ പ്രവർത്തനങ്ങൾ പൂർത്തിയായി വരുന്നു. പിആര്‍ഒ വാഴൂർ ജോസ്.

‘അയാള്‍ അത് നിര്‍ത്തിയില്ല’: ഇന്‍റിമേറ്റ് രംഗത്തില്‍ നടന്‍റെ അസഭ്യമായ പെരുമാറ്റം വിവരിച്ച് നടി സയാനി ഗുപ്ത

‘സുമതി വളവ്’ പാലക്കാട് ആരംഭിച്ചു; മോളിവുഡിലേക്ക് തിങ്ക് സ്റ്റുഡിയോസും ചുവടുവയ്ക്കുന്നു

…