നയന്‍താര നായികയാവുന്ന പുതിയ ചിത്രത്തിന്റെ ടൈറ്റില്‍ ടീസറിന്റെ പോസ്റ്റര്‍ പുറത്തുവിട്ട് താരം. നടിയുടെ ഇന്‍സ്റ്റഗ്രാം പേജിലൂടെയാണ് പോസ്റ്റര്‍ പുറത്തുവിട്ടത്. ‘ഷീ ഡിക്ലെയര്‍സ് വാര്‍’ എന്നാണ് ചിത്രത്തിന്റെ പേര്. തിങ്കളാഴ്ച രാവിലെ 10.15-നാണ് ടീസര്‍ റിലീസ് ചെയ്യുകയെന്നാണ് പോസ്റ്റര്‍ നല്‍കുന്ന വിവരം.
‘എ വാര്‍ ഓണ്‍ ബീസ്റ്റ്‌സ്’ എന്ന അടിക്കുറിപ്പോടെയാണ് നയന്‍താര പോസ്റ്റര്‍ പങ്കുവെച്ചത്. പോസ്റ്ററിലെ ചിത്രത്തില്‍ കടും ചുവപ്പ് സാരിയാണ് വേഷം. ഒരു കൈയില്‍ കത്തിയും മറുകൈയില്‍ വടിയും പിടിച്ച് എതിരെ കൈകളില്‍ തീപ്പന്തവുമായി നില്‍ക്കുന്ന ജനക്കൂട്ടത്തെ നേരിടാനെന്നവണ്ണം നയന്‍താരയുടെ കഥാപാത്രം നില്‍ക്കുന്നതാണ് പോസ്റ്ററിലുള്ളത്.
‘നയന്‍താര: ബിയോണ്ട് ദ ഫെയറി ടെയി’ല്‍ ഡോക്യുമെന്ററിയുമായി ബന്ധപ്പെട്ട വിഷയത്തില്‍ നടന്‍ ധനുഷിനെതിരേ രൂക്ഷ വിമര്‍ശനവുമായി നയന്‍താര രംഗത്തെത്തിയത് കഴിഞ്ഞ ദിവസമാണ്. ഇതിനെ തുടര്‍ന്ന് നടിക്ക് പിന്തുണയുമായി നിരവധി താരങ്ങള്‍ രംഗത്തെത്തിയിരുന്നു. ഈ സാഹചര്യത്തില്‍ ഷീ ഡിക്ലെയര്‍സ് വാർ എന്ന പേരിലുള്ള ചിത്രത്തിന്റെ പോസറ്റര്‍ പുറത്തുവന്നത് സോഷ്യല്‍മീഡിയയില്‍ ചര്‍ച്ചയായിരിക്കുകയാണ്.
നയന്‍താരയെ നായികയാക്കി വിഘ്നേഷ് ശിവന്‍ സംവിധാനം ചെയ്ത നാനും റൗഡി താന്‍ എന്ന സിനിമ നിര്‍മിച്ചത് ധനുഷ് ആയിരുന്നു. ആ സിനിമയുടെ സെറ്റില്‍വെച്ചാണ് നയന്‍താരയും വിഘ്നേഷും പ്രണയത്തിലാകുന്നത്. ഈ സിനിമയുടെ ചില ‘ബിഹൈന്‍ഡ് ദ സീന്‍’ ദൃശ്യങ്ങള്‍ ഡോക്യുമെന്ററിയില്‍ ഉള്‍പ്പെടുത്തിയതിനെതിരെ 10 കോടി നഷ്ടപരിഹാരമാവശ്യപ്പെട്ട് ധനുഷ് നയന്‍താരയ്ക്ക് നോട്ടീസ് അയച്ചിരുന്നു. ഇതിനുള്ള മറുപടിയായി നയൻ താര തുറന്ന കത്ത് പുറത്തുവിട്ടത് വലിയ ചർച്ചയായിരുന്നു. വെറും മൂന്ന് സെക്കന്‍ഡ് ദൃശ്യം ഉപയോഗിച്ചതിനാണ് ധനുഷ് 10 കോടിയുടെ നോട്ടീസ് അയച്ചതെന്നും അദ്ദേഹത്തിന് തന്നോടും വിഘ്നേഷിനോടും പകയാണെന്നും നയന്‍താര സോഷ്യല്‍ മീഡിയയല്‍ പങ്കുവെച്ച കത്തില്‍ പറയുന്നു.
നയന്‍താര പങ്കുവെച്ച ‘ഷീ ഡിക്ലെയര്‍സ് വാര്‍’ എന്ന പുതിയ സിനിമയുടെ പോസ്റ്ററുകള്‍ | Photo: Instagram/nayanthara
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
