ക്വീൻ എന്ന ചിത്രത്തിലൂടെ ശ്രദ്ധ നേടി ലൂസിഫർ എന്ന സൂപ്പർ ഹിറ്റ് ചിത്രത്തിലെ അഭിനയത്തിലൂടെ മലയാളികളുടെ ഹൃദയത്തിൽ ഇടംനേടിയ താരമാണ് സാനിയ അയ്യപ്പൻ. നിരവധി ഹിറ്റ് ചിത്രങ്ങളുടെ ഭാഗമായി കൊണ്ടിരിക്കുന്ന താരം സാമൂഹിക മാധ്യമങ്ങളിലും നിരന്തരം ഇടപെടാറുണ്ട്.
യാത്രകൾ ഇഷ്ടപ്പെടുന്ന താരം യാത്രാക്കുറിപ്പുകളും വീഡിയോകളും താരം പങ്കുവെക്കാറുണ്ട്. സാനിയയുടെ പേരിനെച്ചൊല്ലി പലപ്പോഴും സംശയം ഉയരാറുണ്ട്.
വാ‍ർ‌ത്തകളിൽ സാനിയ അയ്യപ്പൻ എന്നും, സാനിയ ഇയ്യപ്പൻ എന്നും പലരും എഴുതാറുണ്ട്. ഇതിൽ ഒരു വ്യക്തത വരുത്തിയിരിക്കുകയാണ് താരം.
തന്റെ പേര് സാനിയ അയ്യപ്പൻ ആണെന്നും ഇയ്യപ്പൻ അല്ല എന്നും താരം തന്നെ പറയുന്നു. ‘സാനിയ അയ്യപ്പൻ എന്നാണ് എന്റെ പേര്.
അയ്യപ്പൻ എന്റെ അച്ഛന്റെ പേരാണ്. അതാണ് ഞാൻ പേരിനോട് ചേർത്തിരിക്കുന്നതും.
ആളുകൾ ഇയ്യപ്പൻ എന്ന് ഉപയോഗിക്കുന്നത് ഞാനും കാണാറുണ്ട്. അവരെ സംശയത്തിലാക്കുന്നത് എന്റെ പേരിലെ ഇംഗ്ലീഷ് അക്ഷരങ്ങളാണെന്ന് തോന്നുന്നു’ – ഗൃഹലക്ഷ്മിക്ക് നൽകിയ അഭിമുഖത്തിൽ സാനിയ അയ്യപ്പൻ പറഞ്ഞു.
അഭിമുഖത്തിന്റെ പൂര്‍ണരൂപം പുതിയ ലക്കം ഗൃഹലക്ഷ്മിയില്‍ വായിക്കാം …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
