ബോളിവുഡ്ഡിലും റീറിലീസുകളുടെ കാലമാണിത്. രെഹനാ ഹേ തേരെ ദില്‍ മേം, വീര്‍ സാറ, മേംനെ പ്യാര്‍ കിയ, തുഝേ മേരി കസം തുടങ്ങിയ ചിത്രങ്ങള്‍ക്കു പിന്നാലെ വീണ്ടും തീയേറ്റര്‍ റിലീസിനൊരുങ്ങുകയാണ് ഷാരൂഖ് ഖാന്‍-പ്രീതി സിന്റ-സെയ്ഫ് അലി ഖാന്‍ ചിത്രം ‘കല്‍ ഹോ ന ഹോ’. സിനിമ ഈ നവംബര്‍ 15-ന് വീണ്ടും തീയേറ്ററുകളിലെത്തും.
നിഖില്‍ അദ്വാനി സംവിധാനംചെയ്ത ഈ റൊമാന്റിക് ഡ്രാമ 2003-ലെ വമ്പന്‍ ഹിറ്റുകളിലൊന്നായിരുന്നു. കരണ്‍ ജോഹറിന്റെ ഉടമസ്ഥതയിലുള്ള ധര്‍മ പ്രൊഡക്ഷന്‍സായിരുന്നു ചിത്രം നിര്‍മിച്ചത്.
സിനിമ റീ-റിലീസിന് ഒരുങ്ങുന്ന വിവരം ധര്‍മ പ്രൊഡക്ഷന്‍സ് തന്നെയാണ് ഇന്‍സ്റ്റഗ്രാമിലൂടെ പങ്കുവെച്ചത്. ചിത്രത്തിലെ രംഗങ്ങള്‍ ചേര്‍ത്ത് തയ്യാറാക്കിയ പോസ്റ്ററില്‍, ഹര്‍ പല്‍ യഹാന്‍ ജീ ഭര്‍ ജിയോ എന്നും ചേര്‍ത്തിട്ടുണ്ട്. ചിത്രത്തിലെ സോനു നിഗം പാടിയ ഹര്‍ ഘടി ബദല്‍ രഹീ ഹേ എന്ന പാട്ടിലെ വരികളാണിവ. ഇന്നും ഈ ഗാനത്തിനും വരികള്‍ക്കും ആരാധകരേറെയാണ്.
അമന്‍ മാധുറായി ഷാരൂഖ് ഖാനും നെയ്‌ന കാതറിന്‍ കപുറായി പ്രീതി സിന്റയും രോഹിത് പട്ടേലായി സെയ്ഫ് അലി ഖാനും എത്തിയ ചിത്രത്തില്‍ കജോളും സഞ്ജയ് കപുറും സൊണാലി ബേന്ദ്രയും അതിഥിവേഷത്തിലും പ്രത്യക്ഷപ്പെട്ടിരുന്നു.
മികച്ച സംഗീത സംവിധാനത്തിനും മികച്ച ഗായകനുമുള്ള ദേശീയ പുരസ്‌കാരം ചിത്രത്തിന് ലഭിച്ചിരുന്നു. മികച്ച നടി, മികച്ച സഹനടന്‍, സഹനടി, സംഗീതസംവിധാനം തുടങ്ങി എട്ട് ഫിലിംഫെയര്‍ പുരസ്‌കാരങ്ങളും കല്‍ ഹോ ന ഹോയ്ക്ക് ലഭിച്ചിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
