സൂപ്പർതാരങ്ങളുടെ ആക്ഷൻ സീക്വൻസുകൾ കണ്ട് കൈയ്യടിക്കുന്നവരാണ് നമ്മളെല്ലാം. പലപ്പോഴും ഇത്തരം സംഘട്ടന രംഗങ്ങളെല്ലാം ചെയ്യുന്നത് ഡ്യൂപ്പുകളാണ് എന്ന വസ്തുത നാം ഓർമിക്കാറില്ല. എന്നാൽ ഇപ്പോഴിതാ, ഒരു ഡ്യൂപ്പും റോപ്പുമില്ലാതെ അനായാസം സ്റ്റണ്ട് ചെയ്യുന്ന സൂപ്പർതാരം വിജയുടെ ദൃശ്യങ്ങളാണ് സാമൂഹികമാധ്യമങ്ങളിൽ വൈറൽ.
സർക്കാർ സിനിമയുടെ ചിത്രീകരണസമയത്തെ വീഡിയോയിലെ വിജയിയുടെ ഉഗ്രൻ സംഘട്ടനരംഗങ്ങളാണ് ഇപ്പോഴത്തെ ചർച്ചാവിഷയം. ചിത്രത്തിന്റെ ആറാം വാർഷികത്തോട് അനുബന്ധിച്ച് സൺ പിക്‌ചേഴ്‌സിന്റെ ഒഫീഷ്യൽ യൂട്യൂബ് ചാനലാണ് വീഡിയോ പുറത്തുവിട്ടിരിക്കുന്നത്. ഇന്റർവെല്ലിനോട് അടുപ്പിച്ചുള്ള സ്റ്റണ്ട് സീനാണ് വീഡിയോയിലുള്ളത്.
2018-ൽ ഹിറ്റ് മേക്കര്‍ എ.ആര്‍ മുരുഗദോസ് സംവിധാനം ചെയ്ത ചിത്രമാണ് സർക്കാർ. കീര്‍ത്തി സുരേഷ്, വരലക്ഷ്മി ശരത്കുമാര്‍ എന്നിവരും ചിത്രത്തിലുണ്ടായിരുന്നു. തുപ്പാക്കി, കത്തി എന്നീ ഹിറ്റുകൾക്ക് ശേഷം എ.ആര്‍.മുരുകദോസും വിജയും ഒന്നിച്ച ചിത്രംകൂടിയായിരുന്നു സര്‍ക്കാര്‍. എ.ആര്‍.റഹ്മാനാണ് ചിത്രത്തിന് സംഗീതം നല്‍കിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
