പദ്മനാഭപുരത്തു നിന്ന് ഘോഷയാത്ര പുറപ്പെട്ടു, നവരാത്രി വിഗ്രഹങ്ങൾക്ക് ഇന്ന് വരവേൽപ്പ്

.news-body p a {width: auto;float: none;}

​​​പദ്മനാഭപുരം: അനന്തപുരിക്ക് നവരാത്രി പുണ്യം ചൊരിയാൻ വി​ഗ്ര​ഹ ​ഘോ​ഷ​യാ​ത്ര​ ​ഇന്നലെ പ​ദ്മ​നാ​ഭ​പു​ര​ത്തു​ ​നി​ന്ന് പു​റ​പ്പെ​ട്ടു.​ ​കൊ​ട്ടാ​ര​വ​ള​പ്പി​ലെ​ ​തേ​വാ​ര​ക്കെ​ട്ട് ​സ​ര​സ്വ​തി​ദേ​വി,​ ​വേ​ളി​മ​ല​ ​കു​മാ​ര​സ്വാ​മി,​ ​ശു​ചീ​ന്ദ്രം​ ​മു​ന്നൂ​റ്റി​ന​ങ്ക​ ​വി​ഗ്ര​ഹ​ങ്ങ​ളാ​ണ് ​എഴുന്നള്ളുന്നത്.

രാവിലെ 7.15ന് കൊട്ടാരത്തിലെ ഉപ്പിരിക്ക മാളികയിൽ ഉടവാൾ കൈമാറി. പട്ടുവിരിച്ച പീഠത്തിലെ ഉടവാൾ സംസ്ഥാന പുരാവസ്തു വകുപ്പ് ഡയറക്ടർ ഇ. ദിനേശനിൽ നിന്ന് മന്ത്രി രാമചന്ദ്രൻ കടന്നപ്പള്ളി സ്വീകരിച്ചു.

മന്ത്രി വി.എൻ വാസവൻ വാൾ ഏറ്റുവാങ്ങി ആചാരപ്രകാരം കന്യാകുമാരി ദേവസ്വം ബോർഡ് ചെയർമാൻ പ്രഭാരാമകൃഷ്ണന് കൈമാറി. എം.എൽ.എ മാരായ സി.കെ ഹരീന്ദ്രൻ,എ. വിൻസന്റ്, കന്യാകുമാരി കളക്ടർ ആർ അളഗമീന, സബ്കളക്ടർ വിനയ് കുമാർ മീണ, തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ് പ്രശാന്ത്, അംഗങ്ങളായ എ. അജികുമാർ, ജി സുന്ദരേശൻ എന്നിവർ സന്നിഹിതരായിരുന്നു.

സ​ര​സ്വ​തി​ ​വി​ഗ്ര​ഹ​ത്തെ​ ​​കൊ​മ്പ​നാന​ ​തി​ട​മ്പേ​റ്റി.​ കു​മാ​ര​സ്വാ​മി​യെ​യും​ ​മു​ന്നൂ​റ്റി​ന​ങ്ക​യെ​യും​ ​പ​ല്ല​ക്കി​ലാ​ണ് ​എ​ഴു​ന്ന​ള്ളി​ച്ച​ത്.​ കേ​ര​ള, ത​മി​ഴ്നാ​ട്​ ​പൊ​ലീ​സ് ​അ​ഭി​വാ​ദ്യം​ ​അ​ർ​പ്പി​ച്ചു.​ ​ഒൻപതരയോടെ തിരുവനന്തപുരത്തേക്ക് പുറപ്പെട്ടു. തി​രു​വി​താം​കൂ​ർ​ ​മഹാരാ​ജാ​വ് ​ ​അ​ക​മ്പ​ടി​ ​പോ​കു​ന്ന​തി​ന്റെ​ ​പ്ര​തീ​ക​മാ​യാ​ണ് ​ദേ​വ​സ്വം​ ​ജീ​വ​ന​ക്കാ​ര​ൻ​ ​ഉ​ട​വാ​ളു​മാ​യി​​ ​സ​ഞ്ച​രി​ക്കു​ന്ന​ത്.

ഇന്നലെ രാത്രി വിഗ്രഹങ്ങൾ കുഴിത്തുറ മഹാദേവക്ഷേത്രത്തിൽ ഇറക്കിപൂജ നടത്തി. ഇന്നു രാവിലെ കളിയിക്കാവിളയിൽ കേരള പൊലീസ്, റവന്യൂ, ദേവസ്വം അധികൃതർ ചേർന്ന് വരവേൽക്കും. നെയ്യാറ്റിൻകര ശ്രീകൃഷ്ണസ്വാമി ക്ഷേത്രത്തിലാണ് വിശ്രമം. നാളെ വൈകിട്ട് ഘോഷയാത്ര തിരുവനന്തപുരത്തെത്തും. കുമാരസ്വാമിയെ കരമന മുതൽ വെള്ളിക്കുതിരപ്പുറത്ത് എഴുന്നള്ളിക്കും. സന്ധ്യയോടെ ശ്രീപദ്മനാഭസ്വാമി ക്ഷേത്രത്തിൽ ഉടവാൾ ഏറ്റുവാങ്ങി ഘോഷയാത്രയെ വരവേൽക്കും. പദ്മതീർത്ഥത്തിലെ ആറാട്ടിനു ശേഷം സരസ്വതിദേവിയെ നവരാത്രി മണ്ഡപത്തിലും കുമാരസ്വാമിയെ ആര്യശാല ദേവീക്ഷേത്രത്തിലും മുന്നൂറ്റിനങ്കയെ ചെന്തിട്ട ദേവീക്ഷേത്രത്തിലും പൂജയ്ക്കിരുത്തും.