ജോഷിമഠിന് സമാനമായി ജമ്മുകശ്മീരിലും ഭൂമി ഇടിഞ്ഞു താഴുന്ന പ്രതിഭാസമുണ്ടായതിനെത്തുടര്‍ന്ന് 19 കുടുംബങ്ങളെ പ്രദേശത്തു നിന്ന് മാറ്റി പാര്‍പ്പിച്ചു. ദോഡ ജില്ലയിലെ തത്രയിലാണ് ഭൗമപ്രതിഭാസം കണ്ടെത്തിയത്. ഈ പ്രദേശത്തെ 21 കെട്ടിടങ്ങളില്‍ വിള്ളലുണ്ടായി.സ്‌കൂള്‍, ആരാധനാലയം ഉള്‍പ്പെടെയുള്ള കെട്ടിടങ്ങളിലും വിള്ളല്‍ കണ്ടെത്തി. എന്‍എച്ച്എഐ, ചിനാബ് പവര്‍ പ്രൊജക്റ്റ് എന്നിവയിലെ വിദഗ്ദര്‍ സംഭവ സ്ഥലത്തെത്തി പരിശോധന നടത്തി. ഇതിന് ശേഷമാണ് ആളുകളെ സുരക്ഷിത ഇടങ്ങളിലേക്ക് കഴിഞ്ഞ ദിവസം മാറ്റി പാര്‍പ്പിച്ചത്.
ദോഡ ജില്ലയിലെ ബസ്ത നഗരത്തില്‍ പലയിടത്തും വിള്ളലുകള്‍ കണ്ടെത്തിയതിനെത്തുടര്‍ന്ന് ജനങ്ങള്‍ കടുത്ത ആശങ്കയിലായിരുന്നു. ഭൗമപ്രതിഭാസം മുന്‍പ് രൂപപ്പെട്ട ജോഷിമഠിലെ 169 കുടുംബങ്ങളെയാണ് നിലവില്‍ മാറ്റിപ്പാര്‍പ്പിച്ച് കഴിഞ്ഞത്. ഭൗമപ്രതിഭാസത്തിന് പിന്നിലുള്ള കാരണം കണ്ടെത്താന്‍ അന്വേഷണങ്ങള്‍ നടന്നുവരികയാണ്.
The post ജോഷിമഠിന് സമാനമായി ജമ്മുകശ്മീരിലും ഭൗമപ്രതിഭാസം; 19 കുടുംബങ്ങളെ മാറ്റിപ്പാര്‍പ്പിച്ചു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
