‘അമ്മ’ ഉടൻ യോഗം ചേരില്ല; പുതിയ ജനറല്‍ സെക്രട്ടറിയെ കണ്ടെത്താന്‍ അനൗദ്യോഗിക ചര്‍ച്ചകള്‍?

ചൊവ്വാഴ്ച എക്സിക്യുട്ടീവ് കമ്മിറ്റി ചേരുമെന്ന് വൈസ് പ്രസിഡന്റ് ജയൻ ചേർത്തല കഴിഞ്ഞദിവസം പറഞ്ഞിരുന്നു. എന്നാൽ, ഇങ്ങനെയൊരു തീരുമാനമുണ്ടായിരുന്നില്ലെന്ന് സംഘടനയിലെ ഉന്നതൻ ‘മാതൃഭൂമി’യോട് പറഞ്ഞു.

അടുത്ത ജനറൽ സെക്രട്ടറിയെ കണ്ടെത്തുകയെന്നതാണ് ഇപ്പോൾ ‘അമ്മ’യ്ക്കുമുന്നിലുള്ള വെല്ലുവിളി. പ്രസിഡന്റ് മോഹൻലാൽ തന്നെയാണ് കൂടിയാലോചനകൾക്ക് നേതൃത്വം നൽകുന്നത്. എക്സിക്യുട്ടീവ് കമ്മിറ്റിയംഗങ്ങൾ അല്ലാത്ത പ്രധാന അഭിനേതാക്കളുമായും അദ്ദേഹം ആശയവിനിമയം നടത്തുന്നുണ്ട്.