കൽപ്പറ്റ: പൂക്കോട് വെറ്ററിനറി സർവകലാശാലയിൽ അസിസ്റ്റന്റ് പ്രൊഫസർ തസ്തികയിൽ 80 ഒഴിവുകളിലേക്ക് നിയമനത്തിന് ഇറക്കിയ വിജ്ഞാപനം റദ്ദാക്കി. വിജ്ഞാപനത്തിൽ സംവരണ റൊട്ടേഷൻ നിശ്ചയിച്ചതിലടക്കം അപാകതയുണ്ടായിരുന്നു. മാനേജ്മെൻ്റ് കൗൺസിൽ, ബോർഡ് ഓഫ് മാനേജ്മെൻ്റ് എന്നിവയുടെ അനുമതിയും വാങ്ങിയിരുന്നില്ല. വിജ്ഞാപനം നിയമപ്രശ്നം ഉണ്ടാക്കുമെന്ന് കണ്ടെത്തിയതോടെയാണ് വൈസ് ചാൻസലർ ഇടപെട്ട് വിജ്ഞാപനം പിൻവലിക്കാൻ നിർദ്ദേശം നൽകിയത്. ഭരണപരമായ സൂക്ഷ്മ വിലയിരുത്തലിനായി വിജ്ഞാപനം റദ്ദാക്കുന്നുവെന്നാണ് സർവകലാശാലയിൽ നിന്ന് പുറത്തിറക്കിയിരിക്കുന്ന വിശദീകരണ കുറിപ്പിൽ വ്യക്തമാക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
