ആരാധകരുടെ കാത്തിരിപ്പിന് വിരാമം; നിഗൂഢതകൾ ഒളിപ്പിച്ച് കേന്ദ്രമന്ത്രി സുരേഷ് ഗോപിയുടെ പുതിയ ചിത്രം ‘വരാഹം’ അടുത്തമാസം പ്രദർശനത്തിന് എത്തുന്നു, ചിത്രത്തിന്റെ ഫസ്റ്റ് ലുക്ക് പോസ്റ്റർ ഉടൻ ആരാധകരിലേക്ക്
കൊച്ചി: സിനിമ പ്രേമികൾ ഏറെ പ്രതീക്ഷയോടെ കാത്തിരിക്കുന്ന സുരേഷ് ഗോപി ചിത്രങ്ങളിൽ ഒന്നാണ് സനൽ വി. ദേവൻ സംവിധാനം ചെയ്യുന്ന ‘വരാഹം’. സുരേഷ് ഗോപിയുടെ 257ആം ചിത്രമാണ് ഇത്. നിഗൂഢതകൾ ഒളിപ്പിച്ചു കൊണ്ടായിരുന്നു സിനിമയുടെ മോഷൻ പോസ്റ്റർ അണിയറ പ്രവർത്തകർ പുറത്തിറക്കിയിരുന്നത്.
ചിത്രം അടുത്തമാസം പ്രദർശനത്തിന് എത്തുമെന്നാണ് വിവരം.അതിനാൽ തന്നെ സിനിമയുടെ പ്രമേയം എന്താണെന്നും സുരേഷ് ഗോപിയുടെ കഥാപാത്രം എങ്ങനെ ആയിരിക്കുമെന്നുമുള്ള ആകാംക്ഷയിലായിരുന്നു പ്രേക്ഷകർ. ഇപ്പോഴിതാ, ആരാധകരുടെ ആവേശം ഇരട്ടിയാക്കാൻ ഒരുങ്ങുകയാണ് സിനിമയുടെ അണിയറ പ്രവർത്തകർ.
ജൂൺ 22ന് വൈകുന്നേരം 7 മണിക്ക് വരാഹത്തിന്റെ ഫസ്റ്റ് ലുക്ക് റിലീസ് ചെയ്യും. സുരേഷ് ഗോപിക്ക് പുറമെ സുരാജ് വെഞ്ഞാറമൂട്, നവ്യ നായർ, ഗൗതം വാസുദേവ് മേനോൻ തുടങ്ങിയവരും ചിത്രത്തിൽ അഭിനയിക്കുന്നു. ജിത്തു കെ. ജയൻ, മനു സി. കുമാർ എന്നിവർ ചേർന്നാണ് വരാഹത്തിന്റെ കഥയും തിരക്കഥയും ഒരുക്കിയിരിക്കുന്നത്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
മാവെറിക് മൂവീസിന്റെയും സഞ്ജയ് പടിയൂർ എന്റർടൈൻമെന്റ്സിന്റെയും ബാനറിൽ വിനീത് ജെയിൻ, സഞ്ജയ് പടിയൂർ എന്നിവർ ചേർന്നാണ് വരാഹം നിർമ്മിക്കുന്നത്. ഛായാഗ്രഹണം- അജയ് ഡേവിഡ് കാച്ചപ്പിള്ളി, എഡിറ്റർ-മൻസൂർ മുത്തൂട്ടി, സംഗീതം-രാഹുൽ രാജ്, സംഘട്ടനം-തവസി രാജ്, മേക്കപ്പ്-റോക്സ് സേവ്യർ തുടങ്ങിയവരാണ് മറ്റു അണിയറ പ്രവർത്തകർ.
ഗരുഡന്‍ ആണ് സുരേഷ് ഗോപിയുടേതായി ഏറ്റവും ഒടുവില്‍ പുറത്തിറങ്ങിയ ചിത്രം. കേന്ദ്രമന്ത്രിസ്ഥാനം ലഭിച്ചെങ്കിലും അഭിനയ ജീവിതത്തില്‍ നിന്നും മാറി നില്‍ക്കില്ലെന്ന് സുരേഷ് ഗോപി നേരത്തേ വ്യക്തമാക്കിയിരുന്നു.
മമ്മൂട്ടി കമ്പനി നിര്‍മിക്കുന്ന അടുത്ത ചിത്രത്തിലും സുരേഷ് ഗോപി ഒരു പ്രധാന വേഷം ചെയ്യുന്നുണ്ട്. ഓഗസ്റ്റില്‍ ചിത്രീകരണം ആരംഭിക്കുമെന്നാണ് റിപ്പോര്‍ട്ട്. മമ്മൂട്ടി, ഫഹദ് ഫാസില്‍ എന്നിവരാണ് ചിത്രത്തിലെ മറ്റ് പ്രധാന വേഷങ്ങളില്‍ എത്തുന്നത്.
പ്രവീണ്‍ നാരായണന്‍ സംവിധാനം ചെയ്യുന്ന ജെ.എസ്.കെ (ജാനകി വേഴ്‌സസ് സ്റ്റേറ്റ് ഓഫ് കേരള), ജയരാജിന്റെ പെരുങ്കളിയാട്ടം എന്നീ ചിത്രങ്ങളും സുരേഷ് ഗോപിയുടേതായി അണിയറയിൽ ഒരുങ്ങുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
