ഓട്ടോയില്‍ ആളെക്കയറ്റുന്നതിലുള്ള തര്‍ക്കം, അര്‍ധരാത്രിയില്‍ ഓട്ടോ റോഡിലിട്ട് കത്തിച്ച കേസ് ; രണ്ടുപേര്‍ അറസ്റ്റില്‍
പേരാമ്പ്ര : ചേനായി എടവരാട് മഞ്ചേരിക്കുന്നില്‍ ഓട്ടോ കത്തിച്ച കേസില്‍ രണ്ട് പേർ അറസ്റ്റില്‍. എടവരാട് കാലംകോട്ട് രാഘവൻ (50), എടവരാട് കൊയിലോത്ത് ഷിബിൻ ലാല്‍ (കുട്ടൻ, 32) എന്നിവരെയാണ് പേരാമ്പ്ര ഇൻസ്പക്ടർ എം.എ.സന്തോഷ് അറസ്റ്റ് ചെയ്തത്. ഇരുവരും ഓട്ടോ ഡ്രൈവർമാരാണ്.
ജനുവരി 21-ന് പുലർച്ചെ 2.30 ഓടെയായിരുന്നു സംഭവം. സമീപത്തെ വീട്ടില്‍ നിർത്തിയിട്ട മുക്കള്ളില്‍ ഷക്കീറിന്റെ ഓട്ടോ റോഡിലേക്ക് തള്ളിയെത്തിച്ച്‌ കത്തിക്കുകയായിരുന്നു. അയ്യപ്പൻ കാവില്‍ അതുല്‍ രാജിന്റെ ഓട്ടോയും റോഡരികിലെത്തിച്ച്‌ മറിച്ചിട്ടിരുന്നു.
പേരാമ്പ്ര ടൗണില്‍ സർവ്വീസ് നടത്തുന്നതിന് പെർമിറ്റുള്ള ഓട്ടോക്കാരുമായി ആളുകളെ കയറ്റുന്നതിലുള്ള തർക്കമാണ് സംഭവത്തിലേക്ക് നയിച്ചതെന്ന് പോലീസ് പറഞ്ഞു. ചോദ്യം ചെയ്യാൻ വിളിപ്പിച്ചപ്പോള്‍ ഇരുവരും ഒളിവില്‍ പോയിരുന്നു. തിരികെ വന്ന് മറ്റൊരിടത്തേക്ക് കടക്കാനുള്ള ശ്രമത്തിനിടയിലാണ് പോലീസ് പിടിയിലായത്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
