ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ജിദ്ദ – പ്രശസ്ത ഈജിപ്ഷ്യന്‍ ഹാസ്യ സിനിമാ നടന്‍ മുഹമ്മദ് ഹിനീദിക്ക് സൗദി പൗരത്വം ലഭിച്ചു. കലാജീവിതത്തില്‍ തനിക്ക് നിരവധി ആദരവുകള്‍ ലഭിച്ചിട്ടുണ്ട്. എന്നാല്‍ ഏറ്റവും വലിയ ആദരവ് ലഭിച്ചത് സൗദി അറേബ്യയില്‍ നിന്നാണ്. ഇരു ഹറമുകളുടെയും സാന്നിധ്യം കൊണ്ട് അനുഗൃഹീതമായ സൗദി അറേബ്യയുടെ പൗരത്വവും പാസ്‌പോര്‍ട്ടും തനിക്ക് ലഭിച്ചു – എക്‌സ് പ്ലാറ്റഫോമില്‍ മുഹമ്മദ് ഹിനീദി കുറിച്ചു. പൗരത്വം നല്‍കി ആദരിച്ചതിന് തിരുഗേഹങ്ങളുടെ സേവകന്‍ സല്‍മാന്‍ രാജാവിനും കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനും ജനറല്‍ എന്റര്‍ടൈന്‍മെന്റ് അതോറിറ്റി പ്രസിഡന്റ് തുര്‍ക്കി ആലുശൈഖിനും സൗദി അറേബ്യക്കും മുഹമ്മദ് ഹിനീദി നന്ദി പറഞ്ഞു. കലാ മേഖലയില്‍ നിന്നുള്ള പ്രതിഭകളെ സൗദി അറേബ്യ ആദരിക്കുന്നതിനെ ചിലര്‍ വിമര്‍ശിക്കുന്നതില്‍ മുഹമ്മദ് ഹിനീദി ആശ്ചര്യം പ്രകടിപ്പിച്ചു.
