അമ്പത്തിനാലിലും അവിവാഹിതയായ ലക്ഷ്മി ഗോപാലസ്വാമി, ഒറ്റയ്ക്കുള്ള ജീവിതം നയിക്കാൻ നടിയെ പ്രേരിപ്പിച്ച കാരണം….!
സ്വന്തം ലേഖിക
ലോഹിതദാസ് സംവിധാനം ചെയ്ത അരയന്നങ്ങളുടെ വീട് എന്ന ചിത്രത്തിലൂടെ 2000ലായിരുന്നു നടി ലക്ഷ്മി ഗോപാലസ്വാമിയുടെ സിനിമാ അരങ്ങേറ്റം.
മലയാള സിനിമയിലെ വിജയമാണ് കന്നട സിനിമകളിലേക്കും ലക്ഷ്മിയ്ക്ക് അവസരം ഒരുക്കിയത്. നാല്‍പ്പതോളം മലയാള ചിത്രങ്ങളില്‍ ലക്ഷ്മി ഇതുവരെ അഭിനയിച്ച്‌ കഴിഞ്ഞു. മമ്മൂട്ടി, മോഹൻലാല്‍, സുരേഷ് ഗോപി, ജയറാം തുടങ്ങിയ സൂപ്പര്‍താരങ്ങളുടെയെല്ലാം നായികയായി.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
കൊച്ചു കൊച്ചു സന്തോഷങ്ങള്‍, അച്ഛനെയാണെനിക്കിഷ്ടം, വാമനപുരം ബസ് റൂട്ട്, കനക സിംഹാസനം, ബോയ്ഫ്രണ്ട്, കീര്‍ത്തിചക്ര, ഇവിടം സ്വര്‍ഗമാണ്, ഭ്രമരം, ഭഗവാൻ, ഒരു ഇന്ത്യൻ പ്രണയകഥ, പരദേശി, ജാക്ക് ഡാനിയല്‍ എന്നിവയാണ് ലക്ഷ്മിയുടെ ശ്രദ്ധിക്കപ്പെട്ട മലയാള ചിത്രങ്ങള്‍. കര്‍ണാടക സ്വദേശിയായ ലക്ഷ്മി ഭരതനാട്യത്തില്‍ പ്രാഗത്ഭ്യം നേടിയ ഒരു ക്ലാസിക്കല്‍ നര്‍ത്തകി കൂടിയാണ്.
കന്നട, തമിഴ്, മലയാളം സിനിമകളില്‍ അഭിനയിക്കുന്ന ലക്ഷ്മിയ്ക്ക് കര്‍ണാടക സര്‍ക്കാരിന്റെയും കേരള സര്‍ക്കാറിന്റെയും സംസ്ഥാന പുരസ്കാരങ്ങള്‍ ലഭിച്ചിട്ടുണ്ട്. അവിവാഹിതയാണ് ലക്ഷ്മി. നടിയുടെ വിവാഹത്തെപ്പറ്റി ഒട്ടേറെ വ്യാജ വാര്‍ത്തകള്‍ ഈ അടുത്ത കാലത്ത് സോഷ്യല്‍ മീഡിയ വഴി പ്രചരിച്ചിരുന്നു. നടൻ മുകേഷുമായി വിവാഹം എന്ന തരത്തില്‍ വരെ വാര്‍ത്തകള്‍ വന്നിരുന്നു.
എന്നാല്‍ ഇത് തീര്‍ത്തും അടിസ്ഥാന രഹിതമാണെന്ന് പറഞ്ഞുകൊണ്ട് ലക്ഷ്മി തന്നെ രംഗത്ത് വന്നിരുന്നു. ദുല്‍ഖര്‍ സല്‍മാൻ നായകനായ റോഷൻ ആൻഡ്രൂസ് ചിത്രം സല്യൂട്ടാണ് ലക്ഷ്മി അഭിനയിച്ച്‌ അവസാനം പുറത്തിറങ്ങിയ മലയാള ചിത്രം. ഇമേജ് നോക്കാതെയും ക്യാരക്ടറിന്റെ വലിപ്പ ചെറുപ്പം നോക്കാതെയും അഭിനയിച്ചിരുന്ന നായിക കൂടിയാണ് ലക്ഷ്മി ഗോപാലസ്വാമി.
നായികയായി അഭിനയിച്ചുകൊണ്ടിരുന്ന സമയത്ത് തന്നെ ലക്ഷ്മി നടൻ മണിക്കുട്ടന്റെ അമ്മ വേഷവും അഭിനയിച്ചിട്ടുണ്ട്. കോളജ് വിദ്യാര്‍ത്ഥിയുടെ വേഷമായിരുന്നു ബോയ്ഫ്രണ്ട് എന്ന സിനിമയില്‍ മണിക്കുട്ടൻ ചെയ്തിരുന്നത്. പൊതുവെ ആറ് വയസുള്ള കുട്ടിയുടെ അമ്മ വേഷം ചെയ്യാൻ പറഞ്ഞാല്‍ പോലും വിമുഖ കാണിക്കുന്നവരാണ് നായികമാര്‍. അത്തരം ഒരു സാഹചര്യത്തിലാണ് മണിക്കുട്ടന്റെയും അമല പോളിന്റെയുമൊക്കെ അമ്മ വേഷം ലക്ഷ്മി ഗോപാലസ്വാമി ചെയ്തത്.
നൃത്തവും അഭിനയവും എല്ലാമാണ് ലക്ഷ്മിയുടെ ജീവവായു. അമ്ബത്തിനാലില്‍ എത്തിയിട്ടും നടി അവിവാഹിതയായി തുടരുന്നത് ആരാധകര്‍ക്കും സങ്കടമുള്ള കാര്യമാണ്. ഒരിക്കല്‍ വിവാഹം കഴിക്കാത്തതിന് പിന്നിലെ കാരണം ലക്ഷ്മി തുറന്ന് പറഞ്ഞിരുന്നു.
‘ഞാൻ പതിനേഴാം വയസ് മുതല്‍ സാമ്ബത്തികമായി സ്വതന്ത്രമായി ജീവിക്കുന്ന വ്യക്തിയാണ്. സാമ്ബത്തിക സുരക്ഷിതത്വം നമ്മുടെ ജീവിതത്തില്‍ വളരെ പ്രധാനപ്പെട്ടതാണ്. ഞാൻ പതിനേഴാം വയസ് മുതല്‍ മോഡലിങ് ചെയ്ത് വരുമാനമുണ്ടാക്കിയിരുന്നു. ഡാൻസ് പെര്‍ഫോമൻസിന് പോയിരുന്നു. റഷ്യയിലെ ചെര്‍ണോബില്‍ ഡിസാസ്റ്റര്‍ ഫൗണ്ടേഷന്റെ ക്ഷണം അനുസരിച്ച്‌ ബെലാറസില്‍ പോയി ഡാൻസ് ചെയ്തിട്ടുണ്ട്.’
‘അന്നെനിക്ക് 20 വയസുപോലുമായില്ല. നടിയായ ഉടനെ ഞാനൊരു കാര്‍ വാങ്ങി. അന്ന് ലോണെടുത്ത് ഫിയറ്റ് പാലിയോയാണ് വാങ്ങിയത്. മാസം 8000 രൂപ ലോണടയ്ക്കണം. എനിക്കത് വലിയ ടെൻഷനായി. ഇതിന് കഴിയുമോയെന്ന പേടി.’
‘ഞാൻ ആ കാറുമായി അടുത്തുള്ള ലക്ഷ്മി ദേവിയുടെ ക്ഷേത്രത്തില്‍ പോയി പ്രാര്‍ഥിച്ചു. പിറ്റേ ദിവസം എനിക്ക് ഈനാട് ടിവിയുടെ വലിയൊരു സീരിയലിലേക്ക് ലക്ഷ്മിയുടെ വേഷം ചെയ്യാൻ ക്ഷണം വന്നു. എനിക്ക് ആഡംബര ജീവിതമൊന്നുമില്ല. എനിക്ക് സന്തോഷം നല്‍കുന്നത് മാത്രമെ ഞാൻ വാങ്ങാറുള്ളൂ. സോഷ്യല്‍ സ്റ്റാറ്റസിനായി ഒന്നും ചെയ്യാറില്ല.’
‘എന്റെ ഹോണ്ട സിറ്റി കാര്‍ 10 വര്‍ഷം പഴക്കമുള്ളതാണ്. ഒരു കുഴപ്പവുമില്ല. എന്താണ് വിവാഹം കഴിക്കാത്തതെന്നു ചോദിക്കുന്നവരോടും ഞാൻ പറയും. ഞാൻ ഈ ജീവിതത്തില്‍ വളരെ ഹാപ്പിയാണ്. ഐ ആം എ ഫ്രീ സ്പിരിറ്റഡ് ഗേള്‍ അതങ്ങനെ പോകട്ടെ…’, എന്നായിരുന്നു ലക്ഷ്മി മുമ്ബൊരിക്കല്‍ പറഞ്ഞത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
