പ്രഭാസും പൃഥ്വിരാജും പ്രധാനവേഷത്തിലെത്തിയ ‘സലാറി’നെ പ്രശംസിച്ച് തെലുങ്ക് താരം ചിരഞ്ജീവി. ചിത്രം ബോക്സോഫീസിൽ തീ പടർത്തിയെന്ന് താരം പറഞ്ഞു. സംവിധായകൻ പ്രശാന്ത് നീലിനേയും താരങ്ങളേയും എക്സിൽ പങ്കുവെച്ച കുറിപ്പിൽ ചിരഞ്ജീവി അഭിനന്ദിച്ചു.
സലാറിലെ വേൾഡ് ബിൽഡിങ്ങ് മികച്ചതായിരുന്നുവെന്ന് പറഞ്ഞ ചിരഞ്ജീവി ചിത്രത്തിലെ അണിയറപ്രവർത്തകരേയും പ്രശംസിച്ചു. ഡിസംബർ 22-ന് പ്രദർശനത്തിനെത്തിയ ചിത്രം ആദ്യദിനം മികച്ച കളക്ഷനാണ് സ്വന്തമാക്കിയിരിക്കുന്നത്.
കെജിഎഫ് എന്ന സൂപ്പർ ഹിറ്റിനുശേഷം പ്രശാന്ത് നീലിന്റെ സംവിധാനത്തിൽ റിലീസായ ചിത്രത്തിൽ വർധരാജ് മന്നാർ എന്ന കഥാപാത്രമായാണ് പൃഥ്വിരാജ് എത്തിയിരിക്കുന്നത്. സൗഹൃദകഥ പറയുന്ന ചിത്രം രണ്ട് ഭാഗങ്ങളായിട്ടാണ് എത്തുന്നത്. ആദ്യ ഭാഗമായ സലാർ പാർട്ട്‌ 1- സീസ്ഫയറാണ് ഇപ്പോൾ റിലീസായിരിക്കുന്നത്.
ഭുവൻ ഗൗഡയാണ് ഛായാഗ്രഹണം. രവി ബസ്രുർ സംഗീതം നിർവഹിച്ചിരിക്കുന്നു. ഹോംബാലെ ഫിലിംസിന്റെ ബാനറിൽ വിജയ് കിരാഗണ്ടൂർ ആണ് നിർമാണം. പൃഥ്വിരാജ് പ്രൊഡക്ഷൻസും മാജിക്‌ ഫ്രെയിംസും ചേർന്നാണ് സലാർ കേരളത്തിലെ തിയേറ്ററുകളിൽ എത്തിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
